بۇۇ-نىڭ 75 جىلدىعى كەزەڭىندە ءوتىپ جاتقان ادام قۇقىقتارى جونىندەگى سەگمەنتكە بۇۇ باس حاتشىسى انتونيۋ گۋتەرريش, بۇۇ باس اسسامبلەياسىنىڭ توراعاسى تيدجاني مۋحامماد-باندە, بۇۇ ادام قۇقىقتارى جونىندەگى جوعارعى كوميسسارى ميشەل باچەلەت, 55-تەن استام ەلدىڭ مەملەكەت باسشىلارى مەن مينيسترلەرى, سونداي-اق حالىقارالىق ۇيىمداردىڭ باسشىلارى قاتىستى.
كەڭەس وتىرىسىندا ءسوز سويلەگەن م. تىلەۋبەردى پرەزيدەنت قاسىم-جومارت توقاەۆ تۇڭعىش پرەزيدەنت - ەلباسى نۇرسۇلتان نازارباەۆتىڭ باعىتىن جالعاستىرا وتىرىپ, ادام قۇقىقتارى سالاسىنداعى ۇلتتىق جانە حالىقارالىق ستاندارتتارعا تولىق قول جەتكىزۋگە نيەتتى ەكەنىن اتاپ ءوتتى. مينيستر قاتىسۋشىلاردى ادام قۇقىقتارىن قورعاۋعا قاتىستى مەملەكەت باسشىسىنىڭ جولداۋىنىڭ ەرەجەلەرىن ىسكە اسىرۋ تۋرالى حاباردار ەتتى, «ەستۋشى مەملەكەتتىڭ» تۇجىرىمداماسىنا جانە ۇلتتىق قوعامدىق سەنىم كەڭەسىنىڭ قۇرۋلۋىنا نازار اۋداردى.
جولداۋدى ىسكە اسىرۋ جانە بۇۇ ۇسىنىمدارىن ورىنداۋ بويىنشا پراكتيكالىق قادام رەتىندە قازاقستاننىڭ ءولىم جازاسىن جويۋعا, ميتينگىلەر تۋرالى زاڭنامانى جەتىلدىرۋگە جانە ايەلدەر مەن بالالارعا قارسى زورلىق-زومبىلىق ءۇشىن جازانى قاتاڭداتۋعا باعىتتالعان ەكىنشى فاكۋلتاتيۆتىك حاتتاماعا قوسىلۋى تۋرالى شەشىمدەر قابىلداندى.
م. تىلەۋبەردى «جۋسان» جانە «رۋسافا» گۋمانيتارلىق وپەراتسيالارى ناتيجەسىندە 600-دەن استام قازاقستاندىق ازامات, كوبىنەسە سيريا مەن يراكتاعى ايەلدەر مەن بالالار وتانىنا ورالعانى تابىستى بولعانىن اتاپ ءوتتى جانە قازاقستاننىڭ وسى سالادا جيناقتالعان تاجىريبەمەن الماسۋعا دايىندىعىن اتاپ ءوتتى.
بۇۇ ورنىقتى دامۋ سالاسىنداعى كۇش-جىگەرىنە قولداۋ كورسەتۋ تۋرالى ايتا كەلە, مينيستر الماتىدا ورتالىق ازيا مەن اۋعانستان ەلدەرى ءۇشىن ورنىقتى دامۋ ماقساتتارىن ىسكە اسىرۋ بويىنشا بۇۇ حابىنىڭ اشىلعانى, سونداي-اق وندا قازىرگى ۋاقىتتا وڭىرلىك, سۋبوڭىرلىك جانە ەلدىك مارتەبەسى بار بۇۇ-نىڭ 16 اگەنتتىگى جۇمىس ىستەيتىنى تۋرالى حابارلادى.
قارۋسىزدانۋ جونىندەگى كونفەرەنتسيا مىنبەسىنەن سويلەگەن سوزىندە سىرتقى ىستەر ءمينيسترى قازاقستاننىڭ 2045 جىلعا قاراي ەلباسىنىڭ يادرولىق قارۋسىز الەمگە قول جەتكىزۋى تۋرالى باستاماسىن ىسكە اسىرۋعا تۇراقتى بەيىلدىلىگىن اتاپ ءوتتى.
م. تىلەۋبەردى قارۋسىزدانۋ سالاسىنداعى داعدارىستى جاعدايدى ايتىپ, دەلەگاتسيالاردى يادرولىق قارۋسىزدانۋ, يادرولىق قارۋسىزدانۋ ءۇشىن ىدىرايتىن ماتەريال ءوندىرىسىن توقتاتۋ, عارىشتا جاپپاي قارۋ شىعارۋدى بولدىرماۋ جانە يادرولىق ەمەس مەملەكەتتەرگە قاۋىپسىزدىككە كەپىلدىك بەرۋ سالاسىندا جاڭا ۋاعدالاستىقتاردى ازىرلەۋ بويىنشا ناقتى جۇمىستى باستاۋعا شاقىردى.
اعىمداعى جىلدىڭ ءساۋىر-مامىر ايلارىندا نيۋ-يوركتە وتەتىن يادرولىق قارۋدى تاراتپاۋ تۋرالى شارتتىڭ 50 جىل بۇرىن كۇشىنە ەنگەن شولۋ كونفەرەنتسياسىنىڭ ماڭىزدىلىعىن اتاپ ءوتىپ, قر ءسىم باسشىسى وسى شارتتىڭ حالىقارالىق قاۋىپسىزدىك جۇيەسىندەگى ورتالىق ءرولىن اتاپ ءوتتى. الداعى بەس جىلعا ارنالعان باسىم مىندەتتەر رەتىندە ول ورتالىق ازيا ايماعىن قوسا العاندا, يادرولىق قارۋدان ازات ايماقتار اراسىنداعى ىنتىماقتاستىقتى كەڭەيتۋ جونىندەگى جۇمىستى جالعاستىرۋ قاجەتتىگىن اتاپ ءوتتى. سونىمەن قاتار, مينيستر قاتىسۋشىلارعا وتكەن جىلدىڭ 29 تامىزىندا بۇۇ-نىڭ «حالىقارالىق يادرولىق سىناقتارعا قارسى ءىس-قيمىل كۇندى» جاريالاعان كۇنى قازاقستاننىڭ يادرولىق قارۋعا تىيىم سالۋ تۋرالى شارتتى راتيفيكاتسيالاعانى تۋرالى حابارلادى.
