ايماقتار • 24 اقپان، 2020

قوستانايدا ۇلتتىق ورتالىق جەتەكشىلەرى باس قوستى

13 رەتكورسەتىلدى

جيىنعا وڭىردەگى 17 ەتنومادەني بىرلەستىكتىڭ جەتەكشىلەرى قاتىستى. باسقوسۋدا اسسامبلەيانىڭ وڭىردەگى الەۋمەتتىك تۇراقتىلىقتى  دامىتۋدا ماڭىزدى ورىنعا يە ەكەندىگى ايتىلىپ، ۇلتتىق بىرلەستىكتەردىڭ بۇگىنگى قوعامداعى تىنىس-تىرشىلىگى تۋرالى ءسوز بولدى.    

وبلىستىق قازاقستان حالقى اسسامبلەياسى حاتشىلىعىنىڭ مەڭگەرۋشىسى بيبىگۇل اققوجينا ۇلتتىق ورتالىقتاردىڭ الەۋمەتتىك جاۋاپكەرشىلىگىنە جوعارى باعا بەرىپ، ولاردىڭ قايىرىمدىق شارالارىنا بەلسەندى ات سالىساتىنىن اتاپ ءوتتى. ماسەلەن، وتكەن جىلى وڭىردە وبلىستىق اسسامبلەيا  627 قامقورلىق اكتسياسىن ۇيىمداستىرىپ، 200 ميلليون تەڭگەدەن استام قارجىنى قايىرىمدىلىققا جۇمساعان. مۇنىڭ سىرتىندا، اۋداندار مەن قالالاردا  جۇمىس ىستەپ جاتقان قوعامدىق كەلىسىم كەڭەسى، انالار كەڭەسى سياقتى اسسامبلەيانىڭ قوعامدىق قۇرىلىمدارى ءىرى شارۋاشىلىقتارمەن بىرلەسە وتىرىپ، سپورت، مادەنيەت جانە ءبىلىم سالاسىنا تۇراقتى دەمەۋشىلىك كورسەتىپ كەلەدى. ۇلتتىق بىرلەستىكتەر جالعىزباستى  قارتتار مەن اتا-انا قامقورلىعىنان قاعىلعان جەتىمەكتەرگە دە قول ۇشىن سوزىپ، قامقورلىق تانىتۋدان تانعان ەمەس.  بىرقاتار ەتنومادەني بىرلەستىكتەر  قازاقتىڭ كەيبىر ۇلتتىق داستۇرلەرىن قايتا جاڭعىرتىپ، قوعام يگىلىگىنە جاراتۋدا. مىسالى، «ۆايناح» شەشەن-ينگۋش ورتالىعى مەن «احىسكا» تۇرىك ەتنومادەني بىرلەستىگى بىلتىردان بەرى «سىباعا» قايىرىمدىلىق جوباسىن قولعا الىپ، كوپ بالالى 11 وتباسىن قامقورلىققا العان. ارميان جانە شەشەن-ينگۋش ۇلتتىق ورتالىقتارى  «توقىمقاعار» ءداستۇرىن ءتىرىلتىپ، وبلىستىق جاسوسپىرىمدەر ءۇيىنىڭ وقۋشىلارىنا تۇراقتى دەمەۋشىلىك كورسەتىپ كەلەدى. يگى شارادان كورەي ۇلتتىق بىرلەستىگى دە قالىس قالىپ جاتقان جوق. ولار «باقىتتى وتباسى» جوباسىن جۇزەگە اسىرۋعا ات سالىسىپ، تۇرمىسى تومەن 3 وتباسىنىڭ باسپانا باقىتىنا يە بولۋىنا مۇرىندىق بولىپ وتىر.   

باسقوسۋ بارىسىندا اسسامبلەيانىڭ ەلىمىزدەگى قوعامدىق كەلىسىم مەن ۇلتارالىق تاتۋلىقتى دامىتۋ باعىتىندا اتقارعان جۇمىسى تۋرالى ماسەلە قوزعالدى.  بۇل باعىتتا دا ايتارلىقتاي جەتىستىكتەر بار. ماسەلەن، ۇلتتىق ورتالىقتار وڭىردە مەدياتسيا سالاسىنىڭ دامۋىنا سۇبەلى ۇلەس قوسىپ كەلەدى. بۇگىندە وبلىستىق قحا جانىنان 1 مەدياتسيا كابينەتى،  سوتتار، اكىمدىكتەر جانە ۇكىمەتتىك ەمەس ۇيىمدار جانىنان 27 كابينەت جۇمىس ىستەيدى. ولاردىڭ تىكەلەي ارالاسۋىمەن وتكەن جىلى 146 ازاماتتىق جانە تۇرمىستىق داۋ شەشىلىپ، تاراپتار ءوزارا ىمىراعا كەلگەن.

جيىن بارىسىندا مىنبەرگە شىققان «ۆايناح» شەشەن-ينگۋش ورتالىعىنىڭ جەتەكشىسى ەلبرۋس تيماەۆ ءسوزىن «قازاق حالقىنا ريزامىن!» - دەپ باستادى. - سوناۋ توقسانىنشى جىلداردىڭ قيىندىعىن بارلىعىڭىز بىلەسىزدەر. قيىن زاماندا ەلباسىمىزدىڭ سوڭىنان ەرىپ، دامۋدىڭ داڭعىل جولىنا تۇستىك. ەلىمىزدى مەكەن ەتكەن بارشا ۇلت بىرلىكتە ءومىر ءسۇرىپ كەلەدى. وسى باعىتتان اداسپاي، ىلگەرىلەي بەرۋىمىز كەرەك. ەڭ باستىسى، ءوزىمىزدى، ۇرپاعىمىزدى دۇرىس تاربيەلەۋىمىز كەرەك. ارينە، قوعام بولعان سوڭ، ۇساق-تۇيەك  كيكىلجىڭسىز بولمايدى.ونى ورشىتپەي، تەز ارادا كەلىسىمگە كەلەر جول ىزەدپ تابۋدى ۇيرەنەيىك. قازاقستاندا تۇراتىن ءبىر ادامنىڭ شاشى جەرگە تۇسسە، وعان ءبارىمىز  جاۋاپتىمىز. سوندىقتان ءبىر ءۇيدىڭ بالاسىنداي، تاتۋ-ءتاتتى ءومىر سۇرۋگە، ءبىر-بىرىمىزگە قۇلاس اسۋعا ۇيرەنەيىك، - دەگەن بىرلەستىك جەتەكشىسى كوپشىلىكتى الدا كەلە جاتقان العىس كۇنىن لايىقتى قارسى الۋعا شاقىردى.

 

قوستاناي وبلىسى

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار