ۇكىمەت • 24 اقپان، 2020

اسقار مامين ميحايل مياسنيكوۆيچتى قابىلدادى

17 رەتكورسەتىلدى

پرەمەر-مينيستر اسقار مامين بيىلعى اقپان ايىنان باستاپ ءوز مىندەتتەرىن اتقارۋعا كىرىسكەن ەۋرازيالىق ەكونوميكالىق كوميسسيا (ەەك) القاسىنىڭ توراعاسى ميحايل مياسنيكوۆيچتى قابىلدادى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

ء«وزىڭىز بىلەتىندەي، ەۋرازيالىق ينتەگراتسيا يدەياسىن قازاقستاننىڭ تۇڭعىش پرەزيدەنتى – ەلباسى نۇرسۇلتان ءابىش ۇلى نازارباەۆ ۇسىنعان بولاتىن. مەملەكەت باسشىسى قاسىم-جومارت كەمەل ۇلى توقاەۆ ەۋرازيالىق ەكونوميكالىق وداقتىڭ ودان ءارى دامۋىنا باسا كوڭىل بولەدى»، دەدى ا. مامين.   

ەاەو جۇمىس ىستەي باستاعان كەزەڭنەن بەرى قازاقستاننىڭ سەرىكتەس ەلدەرمەن ءوزارا ساۋداسى 23،3%-عا – $16،3 ملرد-تان $20،1 ملرد-قا دەيىن ءوستى. ەاەو ەلدەرىنەن كەلگەن ينۆەستيتسيالار اعىمى $5،5 ملرد استى، بىرلەسكەن كاسىپورىندار سانى شامامەن 12 مىڭعا دەيىن، 2 ەسەگە ۇلعايدى. 

سونىمەن قاتار ۇكىمەت باسشىسى ەاەو ىشكى نارىعىنىڭ جۇمىسى اياسىندا تىم كوپ توسقاۋىلداردىڭ — 66 كەدەرگىنىڭ بار ەكەنىن اتاپ ءوتتى. 

«كەدەرگىلەردى جويۋ، كلاسسيكالىق ء“تورت ەركىندىكتى” (تاۋارلار، قىزمەتتەر، كاپيتال، جۇمىس كۇشى) قامتاماسىز ەتۋ جانە ءوزارا ساۋدا كورسەتكىشتەرىن ارتتىرۋ بويىنشا جۇيەلى جۇمىستار جۇرگىزۋ قاجەت. بۇل ىسكەرلىك ورتالارعا، جالپى، ەاەو-عا قاتىسۋشى ەلدەردىڭ تۇرعىندارىنا ينتەگراتسيالىق جوبادان ناقتى پايدانى سەزىنۋگە مۇمكىندىك بەرەدى»، دەدى ا. مامين.

تاراپتار 2025 جىلعا دەيىنگى ەۋرازيالىق ەكونوميكالىق ينتەگراتسيانى دامىتۋدىڭ ستراتەگيالىق باعىتتارى جوباسىنىڭ ازىرلەنۋ بارىسىن، ەاەو اياسىندا تەحنيكالىق رەتتەۋدىڭ بىرىڭعاي بازاسىن جەتىلدىرۋدى، سونداي-اق ەەك جۇمىسىنىڭ رەگلامەنتىن ساقتاۋ ماسەلەلەرىن تالقىلادى. 

كەزدەسۋگە پرەمەر-ءمينيستردىڭ ءبىرىنشى ورىنباسارى – قارجى ءمينيسترى ءا. سمايىلوۆ، قازاقستان رەسپۋبليكاسىنىڭ ساۋدا جانە ينتەگراتسيا ءمينيسترى ب. سۇلتانوۆ جانە ەەك القاسىنىڭ توراعاسى حاتشىلىعىنىڭ باسشىسى ۆ. زينوۆسكي قاتىستى.

 

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار