«بۇگىننەن باستاپ پاراقشامدا ء«بىز بىرگەمىز!» بەينەروليكتەر توپتاماسىن جاريالايمىن.
جوبانى ءبىزدىڭ مينيسترلىك «و.ءۇ.Media» پروداكشن-ستۋدياسىمەن بىرگە «حابار» اگەنتتىگىنىڭ قاتىسۋىمەن جاسادى.
بۇل – قازاق ونەرى, ادەبيەتى, ءبىلىم بەرۋ مەن اۋىل شارۋاشىلىعى سالاسىنداعى ءبىرتۋار تۇلعالار تۋرالى كولەمى شاعىن, الايدا ءمانى تەرەڭ دۇنيەلەر. ول تۇلعالاردىڭ بارلىعى دا قازاققا ولشەۋسىز ەڭبەك ءسىڭىرىپ, «ۇلتتىق كودىنىڭ» ساقتالۋىنا, دامۋىنا زور ۇلەس قوسقان وزگە ەتنوس وكىلدەرى.
بەينەروليكتەر گەرولد بەلگەر, الەكساندر زاتاەۆيچ, الەكساندر باراەۆ, نينا پاترۋشەۆا, ەۆگەني برۋسيلوۆسكي جانە تاعى دا بىرقاتار قايراتكەرلەردىڭ وقيعالارىن باياندايدى.
وزدەرىڭىز بىلەتىندەي, «العىس ايتۋ» كۇنى تاياپ قالدى. ول – بىرلىك پەن مەيىرىمدىلىك مەرەكەسى, قازاقستان حالقىنىڭ ورتاق تاريحىمىزعا سالاۋات ايتىپ, كەلەشەككە ىنتىماقتى امانات ەتەتىن مەيرامى.
ءبىز دە وسى جوبامىز ارقىلى بابالار ەرلىگىن بالالار جادىندا جاڭعىرتۋدى جانە بۇگىنگى ەگەمەن ەلىمىزدى قۇرۋعا اتسالىسقان بارلىق جاندارعا العىس ايتۋدى ماقسات ەتتىك», - دەپ جازدى مينيستر.
