ايماقتار • 24 اقپان، 2020

سەمەيلىك عالىمدار «اباي– بي، اباي–زاڭگەر» كونفەرەنتسياسىنا قاتىستى

194 رەتكورسەتىلدى

«ارقانىڭ كەربەز سۇلۋ كوكشەتاۋى...» دەپ ساكەن سەيفۋللين جىرعا قوسقان كەربەز كوكشەدە «اباي–بي، اباي–زاڭگەر» تاقىرىبىندا رەسپۋبليكالىق عىلىمي-تاجىريبەلىك كونفەرەنتسيا ءوتتى، دەپ حابارلادى شاكارىم اتىنداعى مەملەكەتتىك ۋنيۆەرسيتەتتىڭ گۋمانيتارلىق عىلىمدار ماگيسترى شىرىن قاۋانوۆا.

جاس تالاپ عالىم شىرىن ادىلقىزىنىڭ ايتۋىنشا، اباي قۇنانباي ۇلىنىڭ 175 جىلدىعىنا ارنالعان شارا اقمولا وبلىستىق سوتى مەن شوقان ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىنىڭ باستاماسىمەن جۇزەگە اسىرىلعان ەكەن.  عىلىمي-تاجىريبەلىك كونفەرەنتسياعا اباي ەلىنەن كەلگەن شاكارىم ۋنيۆەرسيتەتىنىڭ وكىلدەرى دە قاتىسىپ قايتىپتى. اتاپ ايتقاندا،  شاكارىم ۋنيۆەرسيتەتىنىڭ پروفەسسورى نازيگۇل عازيزوۆا «قازىرگى زامان مەن اباي شىعارماسىنداعى ادام قۇقىعىنىڭ ۇندەستىگى» تۋرالى بايانداما جاساپ، اباي زامانىنداعى قىلمىستىق ىستەرگە قاتىستى قۇقىقتىق قۇجات– قارامولا ەرەجەسىنىڭ كوشىرمە نۇسقاسىمەن تانىستىرعان.

ۋنيۆەرسيتەت وكىلدەرى كونفەرەنتسيا بارىسىندا ابايدىڭ «جيدەباي-ءبورىلى» مەملەكەتتىك تاريحي-مادەني جانە ادەبي-مەموريالدىق قورىق-مۇراجايىنان ارنايى الىنعان دەرەكتىك ماتەريالداردان ابايدىڭ ءومىرى مەن شىعارماشىلىعىنا ارنالعان كورمە جۇمىسىن ۇيىمداستىرىپ، قاتىسۋشىلاردىڭ نازارىنا ۇسىنعان ەدى. «رۋحاني جاڭعىرۋ» سەمەي جوبالىق كەڭسەسىنىڭ عىلىمي قىزمەتكەرى شىرىن قاۋانوۆا قاتىسۋشىلاردى كورمە جۇمىسىمەن تانىستىرىپ، ابايدىڭ نەمەرە ءىنىسى شاكارىمنىڭ ء«ۇش انىق» فيلوسوفيالىق تراكتاتىن كەلگەن قوناقتارعا ۇسىندى.

-عىلىمي شارادا اباي ارقىلى قازاق ەلىن وركەنيەتكە جەتەلەيتىن، رۋحاني بايىتاتىن، ابىرويىن اسقاقتاتىپ، مارتەبەسىن بيىكتەتىن، ىنتىماق پەن بىرلىككە، ءبىلىم مەن عىلىمعا، ونەر مەن مادەنيەتكە باۋليتىن ءارى ادامزاتتىڭ جان دۇنيەسىنە وي سالاتىن باياندامالار تىڭدالدى،-دەيدى شىرىن قاۋانوۆا،- پلەنارلىق بولىمدە اقمولا وبلىسىنىڭ اكىمى ەرمەك بورانباي ۇلى ابايدى ۇلىقتاۋعا ارنالعان جيىنعا ساتتىلىك تىلەپ، ۇيىمداستىرۋشىلارعا العىسىن بىلدىرسە، جوعارى سوتى توراعاسىنىڭ كەڭەسشىسى نۇرلان نۇراحمەت ۇلى قازاقستان رەسپۋبليكاسى جوعارى سوتى توراعاسىنىڭ قۇتتىقتاۋ ءسوزىن وقىدى.

1

تانىمدىق كونفەرەنتسياعا قازاقستان رەسپۋبليكاسى جوعارعى سوتى توراعاسىنىڭ كەڭەسشىسى ن.قالقا، اقمولا وبلىسىنىڭ اكىمى ە.مارجىقپاەۆ، قازاقستان رەسپۋبليكاسى ارداگەرلەر ۇيىمى توراعاسىنىڭ ورىنباسارى، تاريح عىلىمدارىنىڭ دوكتورى، پروفەسسور ءو.وزعانباەۆ، ش.ءۋاليحانوۆ اتىنداعى مەملەكەتتىك ۋنيۆەرسيتەتىنىڭ رەكتورى م.سىرلىباەۆ جانە شاكارىم ۋنيۆەرسيتەتىنىڭ عالىمدارى جانە كوكشەتاۋ قالاسىنىڭ جوعارى جانە ورتا وقۋ ورىندارىنىڭ باسشىلارى، رەسپۋبليكالىق، وبلىستىق سوت سالاسىنىڭ ارداگەرلەرى، وبلىستىق قۇقىق قورعاۋ ورگاندارىنىڭ باسشىلارى، سۋديالار، سوت سالاسىنىڭ قىزمەتكەرلەرى، ەڭبەك ارداگەرلەرى مەن باق وكىلدەرى دە قاتىستى.

جيىن بارىسىندا  اقمولا وبلىستىق سوتىنىڭ توراعاسى دوسجان ءامىروۆ ابايدى تەرەڭىرەك تانۋ ماقساتىندا ويشىلدىڭ دانالىق سوزدەرىن وقۋ بويىنشا ء«ار سوزىنەن ۇعىندىرعان ۇلىلىق» تاقىرىبىنداعى ەستافەتالىق چەللەندجگە 200-گە جۋىق سۋديالار مەن سوت قىزمەتكەرلەرىنىڭ بەلسەندى قاتىسقانىن جانە 50-دەن استام بەينەماتەريالدىڭ جارىققا شىققانىن حابارلادى. يگى ءىس-شارانىڭ جالعاسى وسىناۋ ماڭىزدى عىلىمي-تاجىريبەلىك كونفەرەنتسياعا ۇلاسقانىن ايتتى.

 

سەمەي

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ەكى قىلمىستىق توپ ۇستالدى

ايماقتار • 05 ماۋسىم، 2020

ۇقساس جاڭالىقتار