ۇكىمەت • 22 اقپان، 2020

ءاليحان سمايىلوۆ ماسكەۋگە جۇمىس ساپارىمەن باردى

14 رەتكورسەتىلدى

بۇگىن قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى - قارجى ءمينيسترى ءاليحان سمايىلوۆ ماسكەۋدە وتكەن ەۋرازيالىق ەكونوميكالىق كوميسسيا كەڭەسىنىڭ كەزەكتى وتىرىسىنا قاتىستى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

ەەك كەڭەسىنىڭ مۇشەلەرى ىشكى نارىقتاردىڭ جۇمىسىنا، كەدەندىك جانە تەحنيكالىق رەگلامەنتتەرگە، حالىقارالىق ىنتىماقتاستىق پەن ونەركاسىپكە قاتىستى ماسەلەلەردى تالقىلادى.

ەۋرازيالىق ەكونوميكالىق كوميسسيا مۇشەلەرى ەاەو ىشكى نارىعىنداعى شەكتەۋلەر مەن كەدەرگىلەردى جويۋ بارىسى تۋرالى اقپاراتتى تىڭدادى. ەەك كەڭەسىنىڭ مۇشەلەرى تاۋارلار مەن قىزمەتتەردىڭ بىرىڭعاي نارىعىن قۇرۋداعى بارلىق كەدەرگىلەردى جويۋ قاجەتتىگىن اتاپ ءوتتى.

كەزدەسۋ بارىسىندا قازاق-قىرعىز شەكاراسىنداعى اعىمداعى جاعداي تالقىلاندى، ناقتى ايتقاندا قىرعىزستان تاراپىنان تاۋاردىڭ قۇنىن تومەندەتۋ، جالعان ترانزيت، تاۋاردى تاسىمالداۋ قۇجاتتارىندا جالعان اقپارات كورسەتۋ ماسەلەلەرى ءسوز بولدى. قازاقستاندىق تاراپ ءوزارا ساۋدانى وڭتايلاندىرۋ جانە جوعارىدا اتالعان ماسەلەلەردى شەشۋ ءۇشىن ناقتى شارالاردى ۇسىندى.

ەەك كەڭەسى بارىسىندا ەاەو-عا تاۋارلاردىڭ كەدەندىك ءترانزيتىنىڭ بىرىڭعاي جۇيەسىن دامىتۋدىڭ جول كارتاسى بەكىتىلدى. وسى جول كارتاسىن ىسكە اسىرۋ ەاەو ەلدەرىنىڭ اۋماقتارى ارقىلى تاۋارلاردىڭ كەدەرگىسىز كەدەندىك ءترانزيتىن قالىپتاستىرۋعا، سونىڭ ىشىندە رەسەي فەدەراتسياسى ارنايى ەكونوميكالىق شارالاردى قولداناتىندارعا نەگىز بولادى.

قۇرامىندا نيكوتينى بار ونىمدەردىڭ جاڭا تۇرلەرىنە (قىزدىرىلعان تەمەكى، بۋمەن سالاتىن ونىمدەر جانە باسقالارى) بىرىڭعاي تالاپتاردى بەلگىلەۋ ماقساتىندا ەەك كەڭەسىنىڭ مۇشەلەرى ەاەو شەڭبەرىندە مىندەتتى تالاپتار بەلگىلەنگەن ونىمدەردىڭ بىرىڭعاي تىزىمىنە وزگەرىستەر ەنگىزۋ تۋرالى شەشىم قابىلدادى. كەيىننەن «بەستىك» وسى ونىمدەرگە ارنالعان بىرىڭعاي تەحنيكالىق رەگلامەنتتى ازىرلەيدى.

جالپى، وتكەن كەزدەسۋ قازاقستاننىڭ ستراتەگيالىق مۇددەلەرىنە سايكەس كەلەدى جانە ەاەو-نىڭ ءتيىمدى جۇمىسىنا قاجەتتى سەرپىن بەرەدى، وداقتىڭ بولاشاق جۇمىسىندا، ونىڭ ىشىندە حالىقارالىق قاتىناستاردىڭ دامۋىن ەسكەرە وتىرىپ، بىرلەسكەن نۇسقاۋلىقتاردى ازىرلەۋ ءۇشىن نەگىز بولادى.

 

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار