تاعايىنداۋ • 21 اقپان، 2020

رۇستەم داۋلەت قورداي اۋدانىنىڭ اكىمى بولىپ تاعايىندالدى

161 رەتكورسەتىلدى

پرەزيدەنت اكىمشىلىگى جانە اۋداندىق ءماسليحات دەپۋتاتتارىنىڭ كەلىسىمىمەن جامبىل وبلىسى قورداي اۋدانىنا اكىم بولىپ رۇستەم داۋلەت تاعايىندالدى.

جامبىل وبلىسىنىڭ اكىمى بەردىبەك ساپارباەۆ جاڭا اكىمدى اۋدان اكتيۆىنە تانىستىردى.

ءوڭىر باسشىسى جاڭا اكىمگە اۋداننىڭ الەۋمەتتىك-ەكونوميكالىق دامۋى، زاڭدىلىق پەن قۇقىقتىق ءتارتىپتى ساقتاۋ، قوعامداعى بىرلىك پەن كەلىسىمدى نىعايتۋ بويىنشا بىرقاتار مىندەت جۇكتەدى.

ء«بىز اۋدانداعى تۇراقتىلىق پەن قاۋىپسىزدىكتى قامتاماسىز ەتۋ ءۇشىن جاعدايدى قولعا الدىق. بۇل - مەملەكەت باسشىسىنىڭ تاپسىرماسى. زاڭ بۇزعاندار جاۋاپ بەرەدى»، - دەدى ب. ساپارباەۆ.

سونداي-اق اۋداننىڭ جاڭا باسشىسىنا كوكتەمگى ەگىس جۇمىستارىنا دايىندىق بارىسىن باقىلاۋعا الۋ، ءبىلىم جانە مەديتسينالىق قىزمەت كورسەتۋ ساپاسىن جاقسارتۋ، جاستار اراسىندا تاربيە جۇمىسىن كۇشەيتۋ بويىنشا ءتيىستى شارالار قابىلداۋدى تاپسىردى.

سونىمەن قاتار بەردىبەك ساپارباەۆ اۋدان تۇرعىندارىن الىپ-قاشپا اڭگىمەلەر مەن ارانداتۋعا سەنبەي، تەك رەسمي اقپارات كوزدەرىنە سەنىم ارتۋعا شاقىردى.

رۇستەم رىسباي ۇلى داۋلەت 1974 جىلى جامبىل وبلىسىندا تۋعان. ءبىلىمى جوعارى، 1996 جىلى جامبىل جوعارى كاسىپكەرلىك مەكتەبىن «كاسىپكەر-ماركەتولوگ»، 2003 جىلى قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسىن «مەملەكەتتىك باسقارۋ»، 2010 جىلى م.ح.دۋلاتي اتىنداعى تاراز مەملەكەتتىك ۋنيۆەرسيتەتىن «قۇقىقتانۋ» ماماندىعى بويىنشا بىتىرگەن.

ەڭبەك جولىن 1994 جىلى «بوستاندىق» اكتسيونەرلىك قوعامىندا قاراپايى جۇمىسشى بولىپ باستاعان.

ءار جىلدارى تالاس اۋدانى بوستاندىق اۋىلدىق وكرۋگى اكىمىنىڭ ورىنباسارى، اكىمى، قاراتاۋ قالاسى اكىمىنىڭ ورىنباسارى، قازاقستان رەسپۋبليكاسى پارلامەنتى سەناتى اپپاراتىنىڭ كەڭەسشىسى، قازاقستان رەسپۋبليكاسى يندۋستريا جانە ساۋدا مينيسترلىگىنىڭ ساۋدا كوميتەتىنىڭ باسقارما باستىعى، «ALIT» جشس باس ديرەكتورىنىڭ ورىنباسارى، قازاقستان رەسپۋبليكاسى پارلامەنتى سەناتى توراعاسى ورىنباسارىنىڭ كومەكشىسى، قازاقستان رەسپۋبليكاسى پارلامەنتى سەناتى دەپۋتاتىنىڭ كومەكشىسى، جامبىل اۋدانى اكىمىنىڭ ورىنباسارى، جامبىل جانە شۋ اۋداندارىنىڭ اكىمى، تاراز قالاسىنىڭ اكىمى قىزمەتتەرىن اتقارعان.

2018 جىلدىڭ ءساۋىر ايىنان باستاپ جامبىل وبلىسى اكىمىنىڭ كەڭەسشىسى، 2019 جىلعى ساۋىردەن باستاپ جامبىل وبلىسى اكىمى اپپاراتىنىڭ باسشىسى قىزمەتىن اتقارىپ كەلدى.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار