ەلوردا • 22 اقپان، 2020

ەلوردادا دەمالىس كۇندەرى قايدا بارۋعا بولادى؟

20 رەتكورسەتىلدى

الداعى دەمالىس كۇندەرى قالا تۇرعىندارى مەن قوناقتارى كونكۋرستار مەن تەاترلاندىرىلعان قويىلىمداردى تاماشالاپ، فەستيۆال مەن كونتسەرتتەرگە قاتىسا الادى. بۇل تۋرالى قالا اكىمدىگىنىڭ رەسمي سايتى حابارلادى.

بۇگىن تاڭعى توعىزدا اپتانىڭ باستى سپورتتىق وقيعاسى –  «بۇرقاسىن-2020» شاڭعى فەستيۆالى باستالادى. جارىس شاڭعى روللەر تراسساسىندا وتەدى (Astana Park Hotel).

22 اقپاندا «استانا» كونتسەرت زالىندا «MEGA HIT» توبى ءوزىنىڭ تىڭدارماندارىنا XX جانە XXI عاسىرلارداعى تانىمال ورىنداۋشىلاردىڭ حيتتەرىن ۇسىنادى. كونتسەرتتە ادەلدىڭ «Hello» جانە «Rolling In The Deep»، رياننانىڭ «Russian Roulette»، ۆەيونستىڭ «Crazy In Love»، م. دجەكسوننىڭ «We Are The World»، ۆيكتور تسويدىڭ «كۋكۋشكا» سەكىلدى اندەرى ورىندالادى. كونتسەرت ساعات 18:00-دە باستالادى.

سەنبى كۇنى ساعات 18:30-دا «Nomad City Hall» تەاترىندا قازاق كلاسسيكالىق قويىلىمدارىنىڭ ءبىرى  «قىز جىبەك» كورەرمەندەرگە ۇسىنىلادى. ەپوستىڭ 16 نۇسقاسى بار. پەسانىڭ بۇگىنگى تاڭداعى وزەكتىلىگى قانداي؟ تولەگەننىڭ ولىمىنە بەكەجان شىنىمەن كىنالى مە، الدە بالاسىنا باتا بەرمەگەن اكە كىنالى مە؟

وسى سەنبىدە م.گوركي اتىنداعى ورىس دراما تەاترىندا «كرىلاتايا يسپوۆەد ۆولنىح سەردەتس» قويىلىمى ورىندالادى. كورەرمەندەر س.سەيفۋلليننىڭ، ءى. جانسۇگىروۆتىڭ، ب.ءمايليننىڭ ولەڭدەرىن تىڭداي الادى. پوەزيا كەشى ساعات 18:00-دە باستالادى.

23 اقپان ساعات 12:00-دە «استانا وپەرا» تەاترىنىڭ  ۇجىمى ەلوردا تۇرعىندارى مەن قوناقتارىن ء«تۇرلى داۋىستار الەمى» كونتسەرتىنە شاقىرادى. كونتسەرتتە حاميدي، بيزەت، ۆەردي، روسسيني، موتسارت، حولمينوۆ، لەونكاۆاللو شىعارمالارىنان تانىمال اريالار مەن دۋەتتەر ورىندالادى. كونتسەرتتىك باعدارلامادا «استانا وپەرا» بالالار تەاتر ستۋدياسىنىڭ حورى دا بار.

23 اقپان ساعات 17:00-دە «استانا وپەرا» تەاترىندا «ەۆگەني ونەگين» قويىلىمى ورىندالادى. چايكوۆسكي ءوزىنىڭ العاشقى قويىلىمىن ماسكەۋ كونسەرۆاتورياسىنىڭ ستۋدەنتتەرىنە تاپسىرۋدى ۇيعاردى. ءسويتىپ، 1879 جىلى ناۋرىزدا «ەۆگەني ونەگين» تۇساۋكەسەرى ءوتتى. كوپ ۇزاماي وپەرا ماسكەۋدەگى ۇلكەن تەاتردىڭ، سانكت-پەتەربۋرگتەگى مارينسكيدىڭ ساحنالارىندا قويىلىپ، ەڭ تانىمال تۋىندىلاردىڭ بىرىنە اينالدى. م. گوركي اتىنداعى ورىس دراما تەاترى جەكسەنبى ساعات 18:00-دە «ارالاس سەزىم» قويىلىمىنا شاقىرادى.

«مەن بۇل وقيعا كەز-كەلگەن كورەرمەنگە جاقىن ءارى تۇسىنىكتى بولادى دەپ ويلايمىن، ويتكەنى پەسا ماحاببات، كارىلىك، بالالارمەن قارىم-قاتىناس سياقتى جالپىعا ورتاق دۇنيەلەردى قامتيدى. مەنىڭ تۋىندىم ماحاببات پەن سەنىم كۇيىن ساقتاۋعا تىرىساتىندارعا ءۇمىت بەرەدى دەپ سەنەمىن»، - دەپ جازدى قويىلىم اۆتورى ريچارد باەر.

سونداي-اق جەكسەنبى كۇنى ساعات 16:00-دە «استانا» كونتسەرت زالىندا «كۇن شەڭبەرى» حالىقارالىق ورىس مادەنيەتى فەستيۆالى وتەدى.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار