مۇقتاج ازاماتتار ساناتىنا كەلەسى توپتار جاتادى:
- ۇلى وتان سوعىسىنىڭ قاتىسۋشىلارى مەن مۇگەدەكتەر جانە سولارعا تەڭەستiرiلگەن ادامدار;
- جاسى بويىنشا زەينەتكەرلەر;
- مۇگەدەكتەر;
- تابىسى از ازاماتتاردىڭ ىشىنەن كوپبالالى انالار, كوپبالالى وتباسىلار.
سونىڭ ىشىندە ۇوس قاتىسۋشىلارى مەن مۇگەدەكتەرىنە قىزمەتتەر كەزەكتەن تىس كورسەتىلەدى. قالعان ساناتتارداعى ازاماتتارعا قىزمەتتەر كەزەك رەتىمەن ۇسىنىلادى.
الەۋمەتتىك كومەك الۋ ءۇشىن ءوتىنىش بەرۋشى نۇر-سۇلتان قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسىنا ءوتىنىش, جەكە باسىن كۋالاندىراتىن قۇجاتتىڭ كوشىرمەسىن, ۋاكىلەتتى مەديتسينالىق ۇيىمى بەرگەن ءتىستى پروتەزدەۋ قاجەتتىلىگى جونىندە مەديتسينالىق قورىتىندىنى ۇسىنادى.
قۇجاتتار سالىستىرۋ ءۇشىن تۇپنۇسقا مەن كوشiرمە تۇرىندە ۇسىنىلادى, ودان كەيىن تۇپنۇسقالارى ءوتىنىش بەرۋشىگە قايتارىلادى. ءتiستى پروتەزدەۋگە الەۋمەتتiك كومەك ەكi جىلدا بiر رەت ۇلى وتان سوعىسىنىڭ قاتىسۋشىلارى مەن مۇگەدەكتەرiنە, سونداي-اق جەڭىلدىكتەر مەن كەپىلدىكتەر بويىنشا سولارعا تەڭەستiرiلگەن تۇلعالارعا, جاسى بويىنشا زەينەتكەرلەرگە ۇسىنىلاتىنىن ايتا كەتكەن ءجون.
ءتىس پروتەزدەۋگە الەۋمەتتىك كومەك شەڭبەرىندە مەديتسينالىق كورسەتكىشتەر بولعان جاعدايدا ءتىس شەكتەرىن, پارودونت اۋرۋلارىن ەمدەۋدى, مەديتسينالىق مانيپۋلياتسيا جۇرگىزۋمەن (ينەكتسيا, رەنتگەنگە ءتۇسىرۋ جانە ت.ب.) ءتىستى جۇلۋدى قامتيتىن اۋىز قۋىسىن پروتەز الدى تازالاۋ جۇزەگە اسىرىلادى.
قازىرگى تاڭدا مەملەكەتتىك ساتىپ الۋ ءراسىمى جۇرگىزىلۋدە. بايقاۋدىڭ قورىتىندىسى اعىمداعى جىلدىڭ اقپان ايىنىڭ سوڭىندا دا وتكىزىلەتىن بولادى. جەتكىزۋشىلەرمەن شارت جاساعاننان كەيىن جەرگىلىكتى بۇقارالىق اقپارات قۇرالدارى ارقىلى تىستەردى پروتەزدەۋگە قىزمەتتەردى كورسەتۋ بويىنشا تىركەۋ جۇرگىزەتىن ورىندار مەن مەرزىمدەرى تۋرالى حالىقتى حاباردار ەتەدى.
تولىق كەڭەس الۋ ءۇشىن دوستىق كوشەسى, 13-ءۇي, تەل. 55-68-45, 55-68-22, 55-68-34 مەكەنجايى بويىنشا نۇر-سۇلتان قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسىنا حابارلاسۋعا بولادى.
