«قازاق ۇلتى – قاشاندا دالانىڭ كوڭىر جەلىندەي اڭقىعان ۇلى جەردىڭ كەمەڭگەر ۇلى. ءبىزدىڭ ماقتان تۇتار ءتىلىمىز, ءدىنىمىز, وتانىمىز بار. ءتىل – ۇلت دىڭگەگى! وتان – ەل اناسى! اتا-بابادان امانات بوپ قالعان قازاق جەرىنىڭ ءوسۋى مەن ءونۋى حالقىمىزدىڭ تاتۋلىعى مەن بىرلىگىندە», دەپ ەلباسىمىز ايتقانداي, اتا-بابامىز تۋىپ-وسكەن, توپىراعىندا كىندىگى كەسىلگەن كەڭ جازيرالى قازاق جەرىنىڭ بارلىعى قاسيەتتى ءارى شەجىرەگە تولى. سولاردىڭ ءبىرى – جايىقتىڭ جاعاسىندا ورىن تەپكەن اقجايىق اتىرابى قاشاندا ىرىس پەن بەرەكە كەتپەگەن, ەلىنىڭ اۋىزبىرشىلىگى جاراسقان, ەگىنى مەن مال شارۋاشىلىعىنىڭ قاي سالاسى بولسىن دامۋىنا مۇمكىندىگى مول قۇتتى مەكەن.
«قازاق ۇلتى – قاشاندا دالانىڭ كوڭىر جەلىندەي اڭقىعان ۇلى جەردىڭ كەمەڭگەر ۇلى. ءبىزدىڭ ماقتان تۇتار ءتىلىمىز, ءدىنىمىز, وتانىمىز بار. ءتىل – ۇلت دىڭگەگى! وتان – ەل اناسى! اتا-بابادان امانات بوپ قالعان قازاق جەرىنىڭ ءوسۋى مەن ءونۋى حالقىمىزدىڭ تاتۋلىعى مەن بىرلىگىندە», دەپ ەلباسىمىز ايتقانداي, اتا-بابامىز تۋىپ-وسكەن, توپىراعىندا كىندىگى كەسىلگەن كەڭ جازيرالى قازاق جەرىنىڭ بارلىعى قاسيەتتى ءارى شەجىرەگە تولى. سولاردىڭ ءبىرى – جايىقتىڭ جاعاسىندا ورىن تەپكەن اقجايىق اتىرابى قاشاندا ىرىس پەن بەرەكە كەتپەگەن, ەلىنىڭ اۋىزبىرشىلىگى جاراسقان, ەگىنى مەن مال شارۋاشىلىعىنىڭ قاي سالاسى بولسىن دامۋىنا مۇمكىندىگى مول قۇتتى مەكەن.
ەلدىڭ دە, جەردىڭ دە اتاق-ابىرويىن ەڭبەك ادامدارى شىعاراتىنى بەلگىلى. ناعىز ەڭبەك ادامى – ەلدىڭ باياندى باعى. ءبىزدىڭ الدىمىزدا تۇرعان مىندەت تە ەڭبەك ەتەمىن دەگەنگە قىزمەت بەرىپ, ەڭبەك ادامدارىنىڭ ابىرويىن اسقاقتاتۋ. بۇگىنگى پارتيانىڭ نازارى ءدال سول ەڭبەك ادامدارىنا اۋىپ وتىر. «نۇر وتان» حدپ باتىس قازاقستان وبلىستىق فيليالى «ەڭبەك – ەر اتاندىرادى» اتتى ءتول جوباسىن قولعا الىپ, بارلىق اۋدان, اۋىلداردا ەڭبەك ادامدارىنا قۇرمەت كورسەتۋ, جاس وسكىندى ەڭبەككە شاقىرۋ باعىتىندا اۋقىمدى ىستەر اتقارۋدا. سونىمەن قاتار, نۇروتاندىقتار ءوز قاتارلارىن قاراپايىم ەڭبەك ادامدارىمەن تولىقتىرۋ ۇستىندە.
قارا جەردەن, ءتورت ت ۇلىك مالدان نەسىبەسىن تاپقان, ۇرپاققا قارا تانىتقان, ءتانى اۋىرعانعا ەم بەرگەن جانداردىڭ ەسەلى ەڭبەكتەرى ەلەنۋدە. پارتيا قىزمەتكەرلەرى ەڭبەك ارداگەرلەرىنىڭ ەلەكتروندى بازاسىن جيناقتادى. سونىمەن قاتار, پارتيا ەڭبەك ۇجىمدارىنداعى كاسىپوداق ۇيىمدارىمەن دە تىعىز قارىم-قاتىناس ورناتقان. ءار جۇمىسشىنىڭ, ءار قىزمەتكەردىڭ جاعدايى كاسىپوداق جانە باستاۋىش پارتيا ۇيىمدارى ارقىلى باقىلاۋعا الىنىپ وتىر. وبلىستىق فيليالدىڭ بارلىق قۇرىلىمدىق ءبولىمشەلەرى ەڭبەك ادامدارىنىڭ ءمۇمكىندىگىن شىڭداۋ باعىتىندا جۇمىستانۋدا. قوعامدىق قابىلداۋ بولمەسىنە ادامدار ەڭبەك داۋىمەن كەلىپ, ارىز-شاعىمىن قالدىرسا, پارتيالىق باقىلاۋ كوميسسياسىنا ءتۇرلى ۇسىنىستارىمەن كەلەدى. ءار ازاماتتىڭ ساۋالىنا جاۋاپ بەرۋ, ءتيىمدى قورىتىندى جاساۋ – پارتيانىڭ العا قويعان ماقساتى. ەڭبەك ادامدارىنىڭ كۇيبەڭ تىرلىگى مەن ەل الدىنداعى ەڭبەگىن جاريا ەتۋ ءداستۇرى دە قوعامدىق-ساياسي جۇمىستىڭ نەگىزى.
بۇگىنگى تاڭدا «نۇر وتان» پارتياسىنىڭ وبلىستاعى اكتيۆى پارتيانىڭ سايلاۋالدى تۇعىرناماسىن جۇزەگە اسىرۋ ماقساتىندا ەڭبەك ەتۋدە. تۇعىرنامانىڭ باستى ماقساتى دا – ادامي الەۋەتتى قالىپتاستىرۋ, الەۋمەتتىك حال-احۋالدى جاقسارتۋدى كوزدەيدى. وسى رەتتە 2013 جىلدىڭ باسىنان باتىس قازاقستان وبلىسىندا 6241 ادام جۇمىسپەن قامتىلسا, ونىڭ 3239-ى «جۇمىسپەن قامتۋ-2020» باعدارلاماسى ارقىلى, 3002-ءسى جۇمىسپەن قامتۋ ورتالىقتارى بويىنشا ورنالاستى.
ەڭبەك قوعامىن قۇرۋ ءبىر كۇننىڭ ءىسى ەمەس. جىلدار جەمىسى. ەرتەڭگى كۇننىڭ ۇرپاقتارىن ەڭبەكسۇيگىش ەتىپ شىعارامىز دەسەك, ول ءىس بۇگىنگى كۇننەن باستاۋ الۋى كەرەك. ونى ۇكىمەت, قوعامدىق ۇيىمدار ارقىلى جۇزەگە اسىرۋىمىز قاجەت.
گاۋحار شايحينيازوۆا,
«نۇر وتان» حدپ باتىس قازاقستان وبلىستىق فيليالى قوعامدىق-ساياسي جۇمىستار ءبولىمىنىڭ مەڭگەرۋشىسى.
