قازاقستان • 20 اقپان، 2020

حاركوۆتا قازاقستاننىڭ قۇرمەتتى كونسۋلدىعى اشىلدى

22 رەتكورسەتىلدى

حاركوۆ قالاسىندا (ۋكراينا) حاركوۆ، پولتاۆا جانە سۋمى وبلىستارىن قامتيتىن قازاقستان رەسپۋبليكاسىنىڭ قۇرمەتتى كونسۋلدىعىنىڭ سالتاناتتى اشىلۋ ءراسىمى ءوتتى. بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى حابارلادى. 

مەكەمەنىڭ باسشىسى بولىپ - حاركوۆ كاسىپكەرى، ايماقتاعى ۇلكەن تاجىريبەسى بار بەلگىلى زاڭگەر جانە مەتسەنات ەمين نادجافلي تاعايىندالدى.

قازاقستاننىڭ ۋكرايناداعى ەلشىسى سامات ورداباەۆ ءوز سوزىندە قۇرمەتتى كونسۋلدىقتىڭ قازاقستان-ۋكرايندىق قاتىناستاردىڭ بارلىق سالالارىنداعى ءوزارا ىنتىماقتاستىقتى دامىتۋداعى ماڭىزدى ءرولىن اتاپ ءوتتى. قازاقستاننىڭ مۇددەلەرىن ىلگەرىلەتۋ، ەلدەر اراسىنداعى ساۋدا-ەكونوميكالىق ىنتىماقتاستىقتى دامىتۋ، سونداي-اق ەلىمىزدىڭ ازاماتتارى مەن زاڭدى تۇلعالارىنىڭ قۇقىقتارى مەن مۇددەلەرىن قورعاۋ ماسەلەلەرىنە ەرەكشە نازار اۋدارىلدى.

ايتا كەتۋ كەرەك، ۋكراينانىڭ شىعىس ايماعىنىڭ قۋاتتى ەكونوميكالىق، عىلىمي جانە مادەني الەۋەتى بار. ايماقتا حيميا، وتىن-ەنەرگەتيكا، تاماق جانە جەڭىل ونەركاسىپ، ماشينا جاساۋ، قۇرىلىس ماتەريالدارى ءوندىرىسى دامىعان. سونىمەن قاتار، حاركوۆ، پولتاۆا جانە سۋمى وبلىستارىندا اگروونەركاسىپ كەشەنى وتە قارقىندى دامۋدا.

ءىس-شاراعا حاركوۆ وبلىستىق اكىمشىلىگىنىڭ، حاركوۆ قالاسىنىڭ باسشىلىعى، حاركوۆ وبلىستىق كەڭەسىنىڭ دەپۋتاتتارى، ديپلوماتيالىق كورپۋستىڭ، ايماقتىڭ ىسكەر توپتارىنىڭ وكىلدەرى، حاركوۆتاعى قازاق دياسپوراسى، باق جانە باسقالار قاتىستى.

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار