- قازاقستان رەسپۋبليكاسىنىڭ ەگەمەندى, تاۋەلسىز مەملەكەت ەكەندىگىن ايقىندايتىن نەگىزگى كونستيتۋتسيالىق قۇقىق بەلگىلەرىنىڭ ءبىرى - مەملەكەتتىك ءتىل. اتا زاڭىمىزدىڭ 7-ءشى بابىندا «قازاقستان رەسپۋبليكاسىنداعى مەملەكەتتىك ءتىل – قازاق ءتىلى» ەكەندىگى ناقتىلانعان. تاۋەلسىز مەملەكەتكە, قازاق حالقىنىڭ الدىنا انا تىلىنە قاتىستى ءالى دە زاڭداستىرىلعان تالاپتاردى جۇزەگە اسىرۋ جونىندەگى قاۋىرت جۇمىستاردى ورىنداۋ مىندەتى قويىلعان. وسىعان وراي ماڭعىستاۋ وبلىسى پوليتسيا دەپارتامەنتىنىڭ قۇرىلىمدىق بولىنىستەر اراسىنداعى وزگە ۇلت وكىلدەرى قىزمەتكەرلەرىنىڭ اراسىندا جىل سايىن مەملەكەتتىك ءتىلدى وقىتۋ جانە ءبىلىم دەڭگەيلەرىن ارتتىرۋ ماقساتىندا قازاق ءتىلىن وقىتۋ كۋرستارى ۇيىمداستىرىلىپ كەلەدى, - دەيدى ىجسكب ءباسپاسوز قىزمەتىنەن جانار سەرىكقىزى.
وقىتۋ باعدارلاماسى بويىنشا پوليتسيا قىزمەتكەرلەرى ەكى دەڭگەيگە بولىنگەن. ولار باستاۋىش جانە جالعاستىرۋشى توپ بولىپ, ءتىل ساياساتىن ىسكە اسىرۋ باعدارلاماسى بويىنشا ءدارىس الدى. بۇل ءدارىستىڭ ماقساتى قىزمەتتە ءىس قۇجاتتارىن مەملەكەتتىك تىلدە ساۋاتتى ورىنداۋ. بيىلعى جىلى قىزمەتكەرلەر اراسىنان مەملەكەتتىك ءتىل باعدارلاماسىن ىسكە اسىرۋ بويىنشا 2020 جىلعا ارنالعان قازاق ءتىلى كۋرسىنا مەملەكەتتىك تىلدە قۇجات راسىمدەي المايتىن, ياعني مەملەكەتتىك ءتىلدى تولىق مەڭگەرمەگەن پوليتسيا سالاسىندا قىزمەت اتقارىپ جۇرگەن 50-گە جۋىق وزگە ۇلت وكىلدەرىن انىقتاپ ولارعا قازاق ءتىلى كۋرسىن وقىتۋ جۇرگىزىلۋدە. جىل سايىن پوليتسيا قىزمەتكەرلەرى مەملەكەتتىك تىلدەن بىلىكتىلىكتەرىن ارتتىرىپ وتىرادى. ايتۋلارىنشا, بۇل كۋرستىڭ ماقساتى جۇيەلى ىسكە اسىپ قازىرگى تاڭدا تيىمدىلىگىن كورسەتىپ كەلەدى.
