قوعام • 20 اقپان، 2020

قاراۋسىز مالعا ۇرى قاس

46 رەتكورسەتىلدى

پاۆلودار وبلىستىق پوليتسيا دەپارتامەنتىنىڭ مالى­مەتىنشە، بىلتىر وڭىردە 129 مال ۇرلىعى تىركەلگەن. مال ۇرلىعى وبلىس ورتالىعى، ەكىباستۇز قالالارىنا قاراستى اۋىلدىق اۋماقتاردا، اقتوعاي، ەرتىس، ماي، شارباقتى جانە پاۆلودار اۋداندارىندا كوبەيگەن.

بىلتىر وڭىردە جەدەل ىز­دەس­تىرۋ بارىسىندا پوليتسەي­لەر مال ۇرلىعىمەن اينا­لىسىپ جۇرگەن 52 بارىمتا­شى­نى قولعا تۇسىرگەن. بارىم­تا­شىلار 11 رەت ۇرلىققا شىق­­قان. جالپى سانى 116 ءىرى قا­را­نى ۇرلاعان 9 قىلمىستىق توپتى قولعا ءتۇسىردى. قۇ­نى 30 ميل­ليون تەڭ­گەنى قۇراي­­تىن 82 باس جىل­قى دا بار. پو­ليتسەيلەر وتكەن جىلى مال يە­لەرىنە جالپى قۇنى 75 ميل­ليون تەڭگەگە تەڭ 251 باس مالىن قايتارىپ بەرگەن.

ال بارىمتاشىلار بول­سا، مالدى جايىلىمدا جۇر­­گەن جەرلەرىنەن الىپ كە­تىپ وتىرعان. ۇرلانعان مالدى تۋىس­تارىنا، اۋىل تۇرعىن­دارى­­نا ارزان باعامەن ساتادى. بىراق بيىلدان باس­تاپ بارىمتاشىلار مەن مال يەلەرىنە جازا كۇشەيدى. بارىمتاشىلار جاڭا زاڭ بويىنشا 5 جىلدان 10 جىلعا دەيىن باس بوس­تان­دىق­تارىنان ايىرىلۋى مۇمكىن.

ەندى مالىن قاراۋسىز جى­بەر­گەن اۋىلدىقتار 3 اي­لىق ەسەپتىك كورسەتكىش كو­لە­مىندە ايىپپۇل تولەۋگە مىن­­دەت­تە­لە­دى. بۇل قاراجات ءتورتىنشى دەڭ­گەيلى بيۋدجەت اياسىندا اۋىل بيۋدجەتىنە تۇسەدى. سوندىق­تان پوليتسيا قىزمەتكەرلەرى اۋىل تۇر­عىندارىنان مالدىڭ جوعالعانىن دەر كەزىندە حابارلاۋدى سۇرايدى.

وتكەن جىلدىڭ سوڭىندا اقتوعاي اۋدانىندا 25 ءىرى قارا ۇرلاندى. مال يەسى قۇ­قىق قورعاۋ ورىندارىنا ۋاقى­تىندا حابار بەرگەننىڭ ناتي­جەسىندە، پوليتسيا قىز­مەت­كەرلەرى جو­عال­عان مالدى اقمولا وبلىسى اۋماعىنان تاۋىپ العان.

ەكىنشىدەن، ۇلكەن جولداردا، تەمىرجول بويىندا بوس جۇر­گەن مالدىڭ قاتىسۋىمەن بىل­تىر 89 جول-كولىك وقيعاسى ورىن الىپتى. كەيبىر اۋىل تۇر­عىن­دارىنىڭ مالى ەسەپكە الىنباعان سوڭ، كولىككە سوعىل­عان مال يەسىن انىقتاۋ قيىن.

– سوندىقتان، – دەيدى پولي­تسيا ماماندارى، – بۇل جاي­لارعا مال ۇرلىعى­نىڭ ورىن الۋىنا دۇرىس انىق­تاما بەرمەگەن جەرگىلىكتى اكىم­دىك، ۆەتەريناريا سالاسى مامان­دارىنىڭ دا جاۋاپكەرشىلىگى قاجەت.

ياعني، ۆەتەريناريا ماماندارى، ۋچاسكەلىك ينسپەكتور، اۋىل اكىمدەرى بىرلەسىپ، ءاربىر ءۇيدى ارالاپ، مالدى ەسەپكە قويۋى قاجەت. قازىر مال قورادا تۇرعان كەزدە بۇل جۇمىستاردى جاساپ العان ءجون.

 

پاۆلودار وبلىسى

 

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار