كەشە مەملەكەت باسشىسى, «نۇر وتان» حالىقتىق-دەموكراتيالىق پارتياسىنىڭ توراعاسى نۇرسۇلتان نازارباەۆ پارتيا توراعاسىنىڭ ءبىرىنشى ورىنباسارى باۋىرجان بايبەكتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
كەشە مەملەكەت باسشىسى, «نۇر وتان» حالىقتىق-دەموكراتيالىق پارتياسىنىڭ توراعاسى نۇرسۇلتان نازارباەۆ پارتيا توراعاسىنىڭ ءبىرىنشى ورىنباسارى باۋىرجان بايبەكتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
كەزدەسۋ بارىسىندا ب.بايبەك پارتيانىڭ «قازاقستان-2050» ستراتەگياسىن ءتۇسىندىرۋ جانە ىسكە اسىرۋ جونىندەگى جۇمىسى, «نۇر وتان» حدپ XV سەزىنە دايىندىق بارىسى جانە ساياسي دوكترينا جوباسىن ازىرلەۋدىڭ اياقتالعانى تۋرالى باياندادى.
پارتيا توراعاسىنىڭ ءبىرىنشى ورىنباسارى «نۇر وتان» حدپ باستاماسى بويىنشا دەموكراتيالىق كۇشتەردىڭ جالپىۇلتتىق كواليتسياسىنىڭ وتىرىسى وتكەنىنە توقتالدى. ونىڭ قورىتىندىسىندا جەتەكشى ساياسي پارتيالار مەن قوعامدىق بىرلەستىكتەر ەلىمىزدە جۇرگىزىلگەن جەرگىلىكتى ءوزىن-ءوزى باسقارۋ جانە اكىمشىلەندىرۋ جۇيەسى رەفورمالارىنا قولداۋ ءبىلدىردى.
– جالپىۇلتتىق كواليتسيانىڭ وتىرىسى بارىسىندا ءبىز بارلىق پارتيالارمەن سايلاۋدىڭ اشىقتىعى جانە زاڭدىلىعى تۋرالى مونيتورينگ جاساۋ, ولارعا جەرگىلىكتى ماڭىزدىلىعى سەبەبىنە بايلانىستى پارتيالىق تۇرعىدان باسىمدىق بەرىلمەيتىنى جونىندەگى ۋاعدالاستىققا قول جەتكىزدىك. جالپى, ايتارلىقتاي ءتارتىپ بۇزۋشىلىقتار تىركەلگەن جوق, حالىق سايلاۋدى جاقسى قابىلدادى, – دەدى ب.بايبەك.
«نۇر وتان» حدپ توراعاسىنىڭ ءبىرىنشى ورىنباسارى پارتيا جۇمىسىنىڭ نەگىزگى ءپىشىنى جاڭارتىلعانى تۋرالى دا حاباردار ەتتى.
– ءسىزدىڭ تاپسىرماڭىز بويىنشا «نۇر وتان» حدپ قوعامدىق قابىلداۋىندا مينيسترلەر مەن دەپۋتاتتار ورتالىقتا جانە جەرگىلىكتى جەرلەردە ازاماتتارعا جەكە قابىلداۋلار ءجۇرگىزدى. ءبىرىنشى جارتىجىلدىق قورىتىندىسى ناتيجەسىندە قوعامدىق قابىلداۋداعى وتىنىشتەر سانى ءوتكەن جىلدىڭ وسى كەزەڭىمەن سالىستىرعاندا 75%-عا ارتتى, بۇل ازاماتتار تاراپىنان سەنىم ارتا ءتۇسكەنىنىڭ دالەلى, – دەدى ب.بايبەك.
پارتيا توراعاسىنىڭ ءبىرىنشى ورىنباسارى پارتيالىق قۇرىلىم «جۇكتەمەسى» بويىنشا حالىق الدىندا ولاردىڭ ءتيىمدىلىگىن, شىنايىلىعىن جانە جاۋاپكەرشىلىگىن ارتتىرۋعا باعىتتالعان تاپسىرمالاردىڭ ورىندالۋى تۋرالى دا بايانداپ بەردى. اتاپ ايتقاندا, «نۇر وتان» حدپ جوعارى پارتيا مەكتەبى ساياسي مەنەدجمەنت مەكتەبى بولىپ قايتا قۇرىلدى. ونىڭ بازاسىندا 200 مىڭنان استام پارتيا مۇشەسىن بىرىكتىرەتىن باستاۋىش پارتيا ۇيىمدارىنىڭ باسشىلارى وقىتىلدى.
كەزدەسۋ قورىتىندىسىندا مەملەكەت باسشىسى پارتيا الدىنا قويىلعان مىندەتتەردى ودان ءارى ىسكە اسىرۋ جونىندە بىرقاتار ناقتى تاپسىرمالار بەردى.
