كەشە ەلباسى نۇرسۇلتان نازارباەۆ اۋىل شارۋاشىلىعى ءمينيسترى اسىلجان مامىتبەكوۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
كەشە ەلباسى نۇرسۇلتان نازارباەۆ اۋىل شارۋاشىلىعى ءمينيسترى اسىلجان مامىتبەكوۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
ا.مامىتبەكوۆ سالانىڭ قازىرگى احۋالى, سونداي-اق اگروونەركاسىپتىك كەشەندى دامىتۋ جونىندەگى «اگروبيزنەس-2020» باعدارلاماسىن ىسكە اسىرۋ بارىسى تۋرالى باياندادى.
مەملەكەت باسشىسى جيىن-تەرىن جۇمىستارىن ءتيىمدى جۇرگىزۋ قاجەتتىگىن اتاپ كورسەتتى.
– وڭتۇستىك وڭىرلەردە استىق جيناۋ ناۋقانى اياقتالىپ قالدى, قازىردىڭ وزىندە 1 ميلليون توننادان استام استىق جينالدى. سولتۇستىك وڭىرلەردەگى جاعداي العاشىندا كۇردەلى بولعان ەدى, بىراق جاۋىن-شاشىن كوبىرەك بولىپ, پايداسىن دا, زيانىن دا تيگىزدى. استىقتىڭ ءتۇرلى مەرزىمدە ءپىسىپ-جەتىلۋى ەسكەرىلەتىن جيىن-تەرىن تەحنولوگياسىن باقىلاۋدا ۇستاۋ قاجەت, – دەدى نۇرسۇلتان نازارباەۆ.
ا.مامىتبەكوۆ اۋىل شارۋاشىلىعى سالاسىنىڭ دامۋ قارقىنى جاقسى ەكەنىن اتاپ ءوتتى.
– بۇگىنگى كۇنگى نەگىزگى مىندەت – جيىن-تەرىن جۇمىستارىن جۇرگىزۋ. شىن مانىندە, وڭتۇستىك وبلىستاردا استىق جيناۋ ناۋقانى قازىردىڭ وزىندە باستالىپ كەتتى, ال ول كەيبىر وڭىرلەردە اياقتالۋعا جاقىن. مىسالى, جامبىل وبلىسىندا استىق جيناۋ 94 %-عا اياقتالدى, استىق ءتۇسىمىنىڭ كورسەتكىشى ەكى ەسە دەرلىك جوعارى. بيداي ەگەتىن نەگىزگى ءۇش وبلىس جيىن-تەرىن جۇمىستارىن جۇرگىزۋگە دايىندالۋدا. جاۋىن-شاشىننىڭ ءجيى بولۋىنا بايلانىستى جيىن-تەرىن وڭايعا تۇسپەيدى. سوندىقتان ءبىز ەگىستىك جەرلەر مەن تەحنيكالاردى ءتيستى دايىندىقتان وتكىزۋ ءۇشىن اۋىلشارۋاشىلىق سالاسى كاسىپورىندارىمەن بىرلەسە جۇمىس جۇرگىزىپ وتىرمىز, – دەدى مينيستر.
كەزدەسۋ قورىتىندىسىندا مەملەكەت باسشىسى 2013 جىلدىڭ استىعىن ۋاقتىلى جانە ساپالى جيناپ الۋ, سونداي-اق اگروونەركاسىپ كەشەنى كاسىپورىندارىنىڭ باسەكەگە قابىلەتتىلىگىن ارتتىرۋ جونىندە ناقتى تاپسىرمالار بەردى.
