جاقىندا ەلىمىزدىڭ اۋداندىق ماڭىزى بار قالالارى, اۋىلدىق وكرۋگتەرى, اۋىلدىق وكرۋگتەردىڭ قۇرامىنا كىرمەيتىن كەنتتەرى مەن اۋىلدار اكىمدەرىن سايلاۋ ناۋقانىنىڭ قورىتىندىسى بويىنشا سايلاۋدى قاداعالاۋ جونىندەگى رەسپۋبليكالىق قوعامدىق كوميسسيا بريفينگ وتكىزدى.
جاقىندا ەلىمىزدىڭ اۋداندىق ماڭىزى بار قالالارى, اۋىلدىق وكرۋگتەرى, اۋىلدىق وكرۋگتەردىڭ قۇرامىنا كىرمەيتىن كەنتتەرى مەن اۋىلدار اكىمدەرىن سايلاۋ ناۋقانىنىڭ قورىتىندىسى بويىنشا سايلاۋدى قاداعالاۋ جونىندەگى رەسپۋبليكالىق قوعامدىق كوميسسيا بريفينگ وتكىزدى.
بريفينگتە رەسپۋبليكالىق قوعامدىق كوميسسيانىڭ توراعاسى ومىرزاق وزعانباەۆ ءسوز الىپ, كوميسسيا جۇمىسىنىڭ قورىتىندىسى تۋرالى بايانداپ بەردى. «بۇل سايلاۋ قازاقستان رەسپۋبليكاسىنىڭ كونستيتۋتسياسىنا, قازاقستان رەسپۋبليكاسىنىڭ «جەرگىلىكتى مەملەكەتتىك باسقارۋ جانە ءوزىن-ءوزى باسقارۋ تۋرالى» زاڭىنا, جەرگىلىكتى ءوزىن-ءوزى باسقارۋدى دامىتۋ تۇجىرىمداماسىنا سايكەس ءوتتى. سايلاۋ قارساڭىندا ءبىز ارداگەرلەر كەڭەسىنىڭ اۋداندىق دەڭگەيىنەن باستاپ, ورتالىق اپپاراتىنا دەيىنگى بەلسەندى وكىلدەرىن كوميسسيا جۇمىسىنا قوسىمشا جۇمىلدىردىق», دەدى ءو.وزعانباەۆ.
ونىڭ ايتۋىنشا, رەسپۋبليكالىق ارداگەرلەر ۇيىمى, قازاقستان جازۋشىلار وداعى, قازاقستان حالقى اسسامبلەياسى, ىرگەلى ۇكىمەتتىك ەمەس ۇيىمدار وكىلدەرىنەن قۇرالعان رەسپۋبليكالىق قوعامدىق كوميسسيا مۇشەلەرى الماتى, اقتوبە, قاراعاندى, قوستاناي, ماڭعىستاۋ, وڭتۇستىك قازاقستان, پاۆلودار, شىعىس قازاقستان وبلىستارىندا وتكەن سايلاۋدىڭ داۋىس بەرۋ بارىسىنا قاداعالاۋشىلار رەتىندە قاتىسقان. سونداي-اق, اتالعان كوميسسيا قۇرامىنا كىرەتىن قوعامدىق بىرلەستىكتەردىڭ جەرگىلىكتى فيليالدارى وكىلدەرى دە ەلىمىزدىڭ بارلىق وڭىرلەرىندەگى سايلاۋعا قاداعالاۋ جۇرگىزگەن.
«ماسەلەن, مەن تەمىرتاۋ قالاسىنا جانە قاراعاندى وبلىسىنىڭ بۇقار جىراۋ اۋدانىنا باردىم. ءبىر دە ءبىر وبلىس ءبىزدىڭ نازارىمىزدان تىس قالعان جوق. 1 تامىزدان باستاپ كوميسسيانىڭ شتابى مەن قوعامدىق قابىلداۋى اشىلىپ, سەنىم تەلەفوندارى ىسكە قوسىلدى. وزدەرىڭىزگە بەلگىلى, اۋىل اكىمدەرىنىڭ سايلاۋى 2457 جەرگىلىكتى بيلىك ورگاندارىندا ءوتتى. ەلىمىزدە وتكەن اۋىل اكىمدەرىنىڭ سايلاۋىنا وراي, قۇرىلعان رەسپۋبليكالىق قوعامدىق كوميسسيانىڭ نەگىزگى مىندەتى – سايلاۋ زاڭناماسىنىڭ جۇزەگە اسۋىن قاداعالاۋ, ءادىل, اشىق, تازا سايلاۋ وتكىزۋگە جاردەمدەسۋ, قوعامنىڭ ءتۇرلى ساياسي كۇشتەرى اراسىنداعى زاماناۋي باسەكەلەستىكتى دامىتۋ, ازاماتتاردىڭ جالپىلاما ساياسي مادەنيەتىن ارتتىرۋ بولىپ ەدى. بۇل مىندەتتى ءبىز ورىنداي الدىق دەپ سانايمىن. كوميسسيا مۇشەلەرى بايقاۋشى رەتىندە وڭىرلەردەگى سايلاۋعا, داۋىس بەرۋ بارىسىنا قاتىستى», دەدى ءو.وزعانباەۆ.
ومىرزاق وزعانباەۆتىڭ سوزىنە قاراعاندا, جۇرتشىلىق اكىمدەر سايلاۋىنا وڭ كوزقاراستار تانىتىپ, سايلاۋ تۋرالى جاعىمدى پىكىرلەر ايتقان, ناتيجەسىندە ساياسي ۇدەرىستىڭ داۋىس بەرۋ بارىسى جوعارى دەڭگەيدە ۇيىمداستىرىلعانى اتاپ وتىلگەن. «ءبىر اتاپ وتەرلىگى, اكىمدىك لاۋازىمعا ۇسىنىلعان كانديداتتاردىڭ باسىم كوپشىلىگى قازىرگى اكىمدەر. ساياسي ناۋقان كەزىندە ءبىزدىڭ كوميسسيا سايلاۋ كوميسسيالارىمەن تىعىز بايلانىستا جۇمىس ىستەدى. ءبىزدىڭ مالىمەتتەر بويىنشا, اۋىل اكىمدەرىنىڭ سايلاۋ ناۋقانى بارىسىندا سايلاۋ زاڭناماسىن بۇزۋشىلىقتار انىقتالمادى», دەدى كوميسسيا توراعاسى. سونداي-اق, ول سايلاۋ ۇدەرىسى بارىسىندا سايلاۋ كوميسسيالارىنا جانە سايلاۋدى قاداعالاۋ جونىندەگى رەسپۋبليكالىق قوعامدىق كوميسسياعا جەكەلەگەن ەسكەرتۋلەر مەن وتىنىشتەر كەلىپ تۇسكەنىن اتاپ ءوتتى.
«جالپى, كوميسسياعا جانە شتابقا 40-قا جۋىق ءوتىنىش پەن ەسكەرتۋ كەلىپ ءتۇستى. ولاردىڭ بارلىعى سۇزگىدەن ءوتىپ, جان-جاقتى قارالدى. بۇل, بىرىنشىدەن, اكىم لاۋازىمىنا كانديداتتار ۇسىنۋعا قاتىستى بولدى. ماسەلەن, كانديداتتاردى ۇسىنۋ مەن اكىمدەردىڭ جەرگىلىكتى جۇرتشىلىقپەن كونسۋلتاتسيالار جۇرگىزۋىنە وراي, جەرگىلىكتى حالىق كەيبىر كانديدات بولىپ تابىلاتىن اۋىل اكىمدەرىنىڭ كاسىبي قىزمەتى مەن بىلىكتىلىگىنە كوڭىلى تولماۋشىلىقتارىن تانىتتى. اتاپ ايتقاندا, كەيبىر كانديداتتاردىڭ ءوز مىندەتتەرىن ساپاسىز ورىنداعانى ايتىلدى. اۋىلداعى پروبلەمالاردىڭ, سونىڭ ىشىندە اۋىزسۋمەن قامتاماسىز ەتۋ, باسقا دا جەرگىلىكتى ماسەلەلەردىڭ شەشىلمەي كەلگەندىگى جەتكىزىلدى. بۇعان قوسا, جەرگىلىكتى حالىق كانديداتتاردان جوعارى بىلىكتىلىكتى تالاپ ەتىپ قانا قويماي, كانديدات ۇسىنۋعا از مەرزىم بەرىلگەندىگىن دە ەسكەرتىپ جاتتى», دەپ اتاپ ءوتتى ول.
كوميسسيا توراعاسى, سونىمەن قاتار, سايلاۋالدى ۇگىت-ناسيحات جۇمىستارى بارىسىندا كەيبىر كەمشىلىكتەردىڭ ورىن العاندىعىن دا ا تادى. «ماسەلەن, رەسپۋبليكالىق «قازاق ءۇنى» گازەتىنىڭ جەزقازعان قالاسىنداعى ءتىلشىسى جانات اسانعالي وڭىردەگى مەكتەپ ديرەكتورلارىنىڭ وسى سايلاۋعا اۋىل اكىمىنە كانديدات رەتىندە ءوز ىقىلاستارىنان تىس ءتۇسىپ وتىرعاندىعىن حابارلادى. سونداي-اق, الماتى وبلىسى الاكول اۋدانىنا قاراستى اۋىلعا 17 جىل بويى اكىم بولىپ كەلگەن احمەتجانوۆ وسى جولعى سايلاۋعا تۇسۋشىلەر تىزىمىنە ونىڭ كانديداتۋراسىنىڭ اۋدان اكىمىنىڭ بوگەت جاساۋىنا بايلانىستى ەنبەي قالعاندىعىن ايتىپ, شاعىمداندى. مۇنداي كەمشىلىكتەر اۋىل اكىمدەرىن سايلاۋدىڭ ەلىمىزدە العاش رەت وتكىزىلۋىمەن بايلانىستى ورىن العانىن ايتا كەتكەن ءجون. سونىمەن قاتار, اۋىل اكىمدەرىن كەڭ كولەمدە سايلاۋ ناۋقانىنىڭ قۇقىقتىق جانە ۇيىمداستىرۋشىلىق تۇستارى بۇرىن-سوڭدى تاجىريبەدە بولماعاندىعىن ەسكەرۋىمىز قاجەت», دەدى ومىرزاق وزعانباەۆ.
بريفينگ بارىسىندا كوميسسيا مۇشەلەرى اۋىل اكىمدەرىن سايلاۋعا قاتىستى زاڭنامانى جەتىلدىرۋگە قاتىستى ءوز ۇسىنىستارىن جەتكىزدى. سونداي-اق, بيىلعى جىلدىڭ 10-11 تامىز ارالىعىندا حالىقتىڭ وتكەن سايلاۋدى قابىلداۋ دەڭگەيىن زەردەلەۋ بويىنشا كوميسسيانىڭ وڭىرلەردە الەۋمەتتىك ساۋالناما جۇرگىزگەندىگى حابارلاندى.
ءلايلا ەدىلقىزى,
«ەگەمەن قازاقستان».
