قازاقستان • 18 اقپان، 2020

سۇيەك وبىرىنا شالدىققان 40 شاقتى بالاعا كۇردەلى وتا جاسالدى

44 رەتكورسەتىلدى

ەلىمىزدە جىل سايىن وستەوساركوماعا شامامەن 15 شاقتى ءجاسوسپىرىم شالدىعادى. بارلىق وستەوساركومانىڭ 50%-دان استامى تىزە بۋىنىنا جاقىن ورنالاسادى. وسى كۇندەرى الماتىداعى پەدياتريا جانە بالالار حيرۋرگياسى عىلىمي ورتالىعىندا بالالارداعى وستەوساركوماعا بىرەگەي كۇردەلى وتالار جاسالدى. وستەوساركوما – سۇيەكتىڭ سيرەك كەزدەسەتىن قاتەرلى ىسىگى. قاتەرلى دەرت كوبىنە 10 جاستان اسقان بالالاردا ءجيى كەزدەسەدى.

سوڭعى جىلدارى سۇيەك ىسىگى كەزىندە جوعارى مولشەرلى حيميوتەراپيا ەنگىزۋدىڭ ارقاسىندا باسقا ورگاندارعا مەتاستازدانۋ تومەندەپ، ناۋقاستادىڭ ءومىرى ۇزاردى. بۇل كوپ جاعدايدا (90%-دان استام) زاقىمدانعان اياقتاردى ساقتاۋعا مۇمكىندىك بەردى. ياعني، وسى اتالعان پاتولوگياسى بار بالالاردىڭ كەيبىر اسقىنعان جاعدايلاردى قوسپاعاندا، اياق-قولدارىن ءىس جۇزىندە كەسپەيدى.

ال وستەوساركومامەن ەمدەۋدىڭ جاڭا ادىستەرىن ەنگىزۋ تيىمدىلىكتىڭ الەمدىك ناتيجەلەرىنە جاقىنداۋعا مۇمكىندىك بەرىپ وتىر.

«پەدياتريا جانە بالالار حيرۋرگياسى عىلىمي ورتالىعىندا بالالار مەن جاسوسپىرىمدەردىڭ سۇيەك ساركوماسى كەزىندە ەندوپروتەزدەردى قولدانۋ ارقىلى اياق-قولداردى ساقتاپ قالۋ ءۇشىن 2012 جىلدان بەرى وتا جاسالادى.  ورتالىقتىڭ زاماناۋي مودۋلدىك ەندوپروتەزدەردى ساتىپ الۋ مۇمكىندىگىنىڭ جانە قارقىندى جوعارى مولشەرلى حيميوتەراپيانى قولدانۋدىڭ ارقاسىندا ورگانساقتاۋشى وتالاردى جاساۋدىڭ مۇمكىندىگى ارتتى، سونداي-اق بالالارداعى وستەوساركومانى بىرىكتىرىپ ەمدەۋ ناتيجەلەرى دە جاقساردى. اتاپ ايتاتىن جايت، ونكولوگيالىق ەندوپروتەزدەر ورتوپەديالىق پروتەزدەرگە ۇقساس ەمەس، ەرەكشە مەگاپروتەزدەر بولىپ تابىلادى. قازىرگى تاڭدا حيرۋرگيالىق ەمدەۋدىڭ وسى ءتۇرى وستەوساركوماعا شالدىققان بالالاردىڭ 90%-دان استامىنا جاسالادى. بۇل ءوز كەزەگىندە بالانىڭ الەۋمەتتىك بەيىمدەلۋى مەن ونىڭ ءومىر ءسۇرۋ ساپاسىنىڭ جاقسارۋىنا مۇمكىندىك بەرەدى» - دەيدى اۋىر دا، بىرەگەي كۇردەلى وتانى جاسايتىن ونكوحيرۋرگ، پبحعو بالالار ونكولوگياسى بولىمشەسىنىڭ مەڭگەرۋشىسى، جوعارى ساناتتى دارىگەر باحرام جۇمادىللاەۆ.

اياق-قولدى ساقتاي وتىرىپ ەمدەۋ اياقتالعاننان كەيىن جالپى ساۋىعىپ كەتۋ جاعدايى ەلىمىزدە 70%-دى قۇرايدى. بۇل ناتيجە وستەوساركومانى زەرتتەۋ جونىندەگى حالىقارالىق مۋلتيورتالىقتار ناتيجەسىنىڭ دەرەكتەرىنە سايكەس.

بارلىعى سوڭعى 5 جىل ىشىندە پەدياتريا جانە بالالار حيرۋرگياسى عىلىمي ورتالىعىندا ءىرى بۋىنداردى ەندوپروتەزدەي وتىرىپ (تىزە، يىق، جامباس) وستەوساركوماسى كەزىندە 45 ورگان ساقتاۋ وتاسى جاسالدى. بىرەگەي وپەراتسيالاردىڭ ناتيجەسىندە بالالاردىڭ اياق-قولدارى ساقتالىپ قانا قويماي، ولاردىڭ ءومىر ءسۇرۋ ساپاسى دا جاقساردى. بۇگىنگى كۇنى ولار وزدەرىنىڭ قۇربى-قۇرداستارىمەن بىرگەم مەكتەپكە بارىپ، ۋنيۆەرسيتەتتە وقىپ، ءتۇرلى قىزمەتتە جۇمىس ىستەيدى. ءتىپتى، سپورتپەن اينالىسىپ، جاتتىعۋ زالدارىنا، باسسەيندەرگە بارىپ، ەل قاتارلى ءومىر سۇرەدى.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار