اباي • 17 اقپان، 2020

اباي اندەرى ءۇندى ەلىندە اسقاقتادى

107 رەتكورسەتىلدى

قازاقتىڭ ۇلى اقىنى، فيلوسوف، كومپوزيتور جانە قوعام قايراتكەرى اباي قۇنانباي ۇلىنىڭ 175 جىلدىعىن مەرەكەلەۋ اياسىندا بيىلعى 14 اقپاندا ۇندىستانداعى قازاقستان ەلشىلىگىنىڭ قولداۋىمەن «پانچشيل بالاك» كوللەدجىنىڭ وقۋشىلار حورى ابايدىڭ «كوزىمنىڭ قاراسى» ءانىن قازاق تىلىندە ورىندادى. بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى حابارلادى.

ءىس-شارادا ءسوز العان قازاقستان ەلشىسى ەرلان الىمباەۆ وقۋشىلارعا ابايدىڭ شىعارماشىلىعى مەن ونىڭ وتاندىق جانە الەمدىك ادەبيەتتەگى ماڭىزى تۋرالى ايتىپ، پرەزيدەنت ق.توقاەۆتىڭ «اباي جانە XXI عاسىرداعى قازاقستان» اتتى ماقالاسى تۋرالى بايانداپ بەردى. قازاقستان ەلشىسى دەلي قالاسىنىڭ ورتالىق كوشەلەرىنىڭ ءبىرى قازاق اقىنىنىڭ قۇرمەتىنە اتالعانىن ايتا كەلە، جاقىن ارادا ءۇندىستان استاناسىندا ابايعا ەسكەرتكىش ورناتۋ ماسەلەسى پىسىقتالىپ جاتقانىن جەتكىزدى.

سونىمەن قاتار قازاقستاندىق ديپلومات ەلىمىزدە جاستاردى قولداۋ مەن ىلگەرىلەتۋگە ەرەكشە كوڭىل بولىنەتىنىن اتاپ ءوتتى. سالتاناتتى ءىس-شاراعا قاتىسقان بارلىق وقۋشىلارعا ەستەلىك كادەسىيلار مەن العىس حاتتار تابىس ەتىلدى. بۇل ءىس-شارا ابايدىڭ 175 جىلدىعىن ءۇندىستاندا تويلاۋدىڭ العاشقىلارىنىڭ ءبىرى بولدى.

سوڭعى جاڭالىقتار

ۇقساس جاڭالىقتار