رۋحانيات • 16 اقپان، 2020

دانىشپان اقىن كەنشىلەر قالاسىنا رۋحاني سەرپىلىس اكەلدى

45 رەتكورسەتىلدى

بيىل الەمدىك دەڭگەيدەگى دانىشپان اباي قۇنانباي ۇلىنىڭ  تۋعانىنا175 جىل تولۋىنا وراي رۋدنىي قالاسىنداعى كىتاپحانالار مەن  مۇراجايلاردا، وقۋ ورىندارىندا ءتۇرلى شارالار باستالىپ كەتتى.

قالالىق «تۆس» تەلەارناسى مەن «ماگنەتيت» اپتالىعى ارنايى ايدار اشىپ، ۇلتتىق بولمىستىڭ ۇلگىسى – ابايدىڭ مول مۇراسىن ناسيحاتتاۋشىلارعا جاقسى جاعداي جاساپ وتىر. بۇل ىستەن قالالىق ارداگەرلەر كەڭەسى دە سىرت قالمادى. ونىڭ مۇشەلەرى قاسىمقايىر دۇيسەنباەۆ، قابدوللا قاجى احمەتجانوۆ، سۇندەت مولداشەۆتار جۇرەكتەن شىققان جىرلارىن وقىسا، جاقسىلىق كاكەنوۆ، ليليا پەنتيۋحوۆا، نينا گەراسيموۆا، شامشيا  قايىركەنوۆا، ءلايلا قاپانوۆا، رىسبيكە سۇيمەكوۆالار  ابايدىڭ ولەڭدەرى مەن قاراسوزدەرىن جاتقا ايتىپ، اندەرىن شىرقادى. ء«بىزدىڭ بۇگىنگى قوعامدا اقساقالداردىڭ العا شىعىپ، ابايدى ارداقتاۋى، ونىڭ رۋحاني مۇراسىن دارىپتەۋى وتە قۋانىشتى. الداعى ۋاقىتتا دا ارداگەر اقساقالدارىمىزدىڭ اباي ونەگەسىن، شىعارمالارىن جاس ۇرپاققا بارىنشا ناسيحاتتاۋعا ۇلەس قوسا بەرەدى» دەدى مۇنداي يگىلىكتى ءىستىڭ باسى-قاسىندا جۇرگەن قالالىق ارداگەرلەر كەڭەسىنىڭ توراعاسى سالىمگەرەي بەكسەيىتوۆ.

سونداي-اق، «اسىل ءسوزدى ىزدەسەڭ، ابايدى وقى، ەرىنبە. ادامدىقتى كوزدەسەڭ، جاتتاپ توقى كوڭىلگە!» دەپ سۇلتانماحمۇت تورايعىروۆ جىرلاعانداي، قالاداعى جيىرما ءبىر  مەكتەپ وقۋشىلارى جانە بالاباقشا بۇلدىرشىندەرىنىڭ قاتىسۋىمەن  ءداستۇرلى «اباي وقۋلارى» بايقاۋى باستالدى. قالالىق تەلەارنا مەن باسىلىم ەندىگى كەزەكتە قالىڭ وقىرمان مەن كوپتەگەن كورەرمەندەردى وسى بايقاۋدىڭ قاتىسۋشىلارىمەن جاقىن تانىستىرۋدى دا ويلاستىرىپ وتىر. ابايدىڭ  مەرەيتويىنا وراي وتكىزىلەتىن ءتۇرلى ءىس-شارالاردىڭ بارلىعى دا كەنشىلەر قالاسى تۇرعىندارىنىڭ، اسىرەسە جاستاردىڭ وي-ءورىسىن دامىتىپ، ءبىلىم كوكجيەگىن كەڭەيتۋىنە،  رۋحاني سەرپىلىس بەرەرىنە اركىمنىڭ دە سەنىمى مول.  

رۋدنىي

سوڭعى جاڭالىقتار

بەنزين باعاسى ارزاندادى

ەكونوميكا • كەشە

14 وتباسىعا قول ۇشىن سوزدى

قازاقستان • كەشە

ۇقساس جاڭالىقتار