قالاداعى ع.جۇبانوۆا مەن ءو.سەيىتوۆ كوشەسىنىڭ قيىلىسىندا تاكيس قىزمەتىنە تيەسىلى «Volkswagen Polo» كولىگى مەن №37 باعىتتاعى «پاز» اۆتوبۋسى سوعىسقان. سالدارىنان جولاۋشىلار كولىگى اۋدارىلىپ, وندا بولعان 26 ادام (19 ايەل, 7 ەر ادام) مەديتسينالىق بريگادالار مەن پاترۋلدىك پوليتسەيلەردىڭ كومەگىمەن اقتوبە قالاسىنىڭ جەدەل جاردەم اۋرۋحانالارىنا جەتكىزىلدى.
«جول-كولىك وقيعاسىنا قاتىستى تەرگەۋ باستالدى. اقتوبە وبلىستىق پوليتسيا دەپارتامەنتى جۇرگىزۋشىلەردى كوكتايعاق كەزىندە جولدا اسا ساق بولۋعا شاقىرادى. جىلدامدىق رەجىمىن قاتاڭ ساقتاپ, ارا-قاشىقتىقتى ۇستانۋ قاجەت. سونداي-اق جول ەرەجەلەرىن ساقتاۋعا, نەگىزسىز مانەۆرلەر جاساماۋعا جانە كەنەتتەن توقتاماۋعا كەڭەس بەرەدى», - دەلىنگەن اقپاراتتا.
