ايماقتار • 15 اقپان، 2020

بارباستاۋ-يندەر جولىنىڭ 50 شاقىرىمى جوندەلەدى

65 رەتكورسەتىلدى

بيىل باتىس قازاقستان وبلىسىندا بوكەيوردا جولىنىڭ 100  شاقىرىمى جوندەلەدى، جايىقتىڭ سول جاعالاۋىنداعى بارباستاۋ-يندەر باعىتىنداعى جولدىڭ 50 شاقىرىمى قايتا سالىنىپ، ورال-اتىراۋ تاس جولىن كەڭەيتۋ ءۇشىن جوبالىق-سمەتالىق قۇجاتتاما جاسالادى. بۇل تۋرالى ءوڭىر باسشىسى عالي ەسقاليەۆ حالىق الدىندا ەسەپ بەرۋ كەزدەسۋىندە مالىمدەدى.

- 2018 جىلى قازاقستان رەسپۋبليكاسىنىڭ تۇنعىش پرەزيدەنتى نۇرسۇلتان ءابىش ۇلى قازتالوۆ، جانىبەك جانە بوكەيورداسى اۋداندارىنا جول سالۋدى تاپسىرعان بولاتىن.  جاڭا جولدىڭ جالپى ۇزىندىعى 245 شاقىرىم قۇرايدى. 2019 جىلى 18 شاقىرىم جوندەلدى، وسى جىلى 100 شاقىرىمنان استام جولدى جوندەۋدى جوسپارلاپ وتىرمىز، - دەدى عالي ەسقاليەۆ.

باتىس قازاقستان وبلىسى ەلىمىزدە اۆتوجول ساپاسى ەڭ تومەن ءوڭىردىڭ ءبىرى. ء«وڭىردىڭ ۇلكەن ماسەلەلەرىنىڭ ءبىرى – جەرگىلىكتى جولدار. ولاردىڭ ساپاسى بويىنشا ءبىز سوڭعى ورىندامىز. وبلىستىق جانە اۋداندىق ماڭىزى بار 5 مىڭ شاقىرىم جولداردىڭ تەك 31%-ى عانا جاقسى جانە قاناعاتتانارلىق جاعدايدا» دەيدى اكىم.

ءدال قازىر وڭىردە «سامارا-شىمكەنت» رەسپۋبليكالىق اۆتوجولىنىڭ 150 شاقىرىمى جوندەۋمەن قامتىلعان. بىلتىر 11 ملرد. تەڭگەگە 145 شاقىرىم وبلىستىق جانە اۋداندىق ماڭىزى بار جولدار جوندەلدى. اۋىلىشىلىك جولدار بويىنشا تەرەكتى، اقجايىق، شىڭعىرلاۋ، ءبورلى، قازتالوۆ جانە بايتەرەك اۋدان ورتالىقتارىندا جالپى ۇزىندىعى 24 شاقىرىم، ورال قالاسىندا 13 كوشەدە 22 شاقىرىم اۆتوجول جوندەۋدەن ءوتتى.

جالپى ءوڭىر بويىنشا بىلتىر 27 ملرد. تەڭگەگە 360 شاقىرىم جول جاسالىنعان ەكەن.

اكىمنىڭ ايتۋىنشا، 2020 جىلى جالپى ءوڭىر بويىنشا 400 شاقىرىم اۆتوجول جوندەلەدى. سونىڭ ىشىندە حالىق تاراپىنان ءجيى كوتەرىلگەن وبلىستىق ماڭىزى بار «بارباستاۋ-اقجايىق-يندەر» جول بولىگىنىڭ 50 شاقىرىمىن جوندەۋ باستالاماق. سونداي-اق وڭىردە «ورال-اتىراۋ» رەسپۋبليكالىق تاس جولىن كەڭەيتۋگە جوبالىق-سمەتالىق قۇجاتتاما جاسالىپ جاتىر ەكەن. كولىك اپاتى وتە ءجيى بولاتىن بۇل جول كەڭەيىپ، 4 جولاقتى بولاتىن بولسا، جولاۋشىلاردىڭ قاۋىپسىزدىگىنە جانە قارىم-قاتىناستىڭ جاقسارۋىنا ەرەكشە اسەر ەتەتىنى ءسوزسىز.  

باتىس قازاقستان

سوڭعى جاڭالىقتار

بەنزين باعاسى ارزاندادى

ەكونوميكا • كەشە

14 وتباسىعا قول ۇشىن سوزدى

قازاقستان • كەشە

ۇقساس جاڭالىقتار