بۇل باستاما قازاقستاندىق وندىرۋشىلەردى قولداۋعا, ىشكى ساۋدانى دامىتۋعا جانە ناۋرىز كۇندەرى قالادا ەرەكشە مەرەكەلىك اتموسفەرا قالىپتاستىرۋعا باعىتتالعان رەسپۋبليكالىق اكتسيا اياسىندا جۇزەگە اسىرىلادى.
«Nauryz Sale» ناۋقانىنا الماتىنىڭ ءىرى ساۋدا-ويىن-ساۋىق ورتالىقتارى قاتىسادى. ولاردىڭ قاتارىندا Forum Almaty, Globus, Mega Park, Aport East, Almaty Mall, Dostyk Plaza, Moskva, Mart جانە Sputnik Mall بار.
اكتسيا كەزەڭىندە ساۋدا ورتالىقتارىندا تاۋارلاردىڭ ءارتۇرلى ساناتتارىنا 10-30% كولەمىندە جەڭىلدىك ۇسىنىلادى.
ناۋقان اياسىندا قازاقستاندىق وندىرۋشىلەردىڭ ونىمدەرىنە ەرەكشە نازار اۋدارىلادى. ساۋدا زالدارىندا وتاندىق برەندتەردىڭ تاۋارلارى قويىلاتىن ارنايى ايماقتار ۇيىمداستىرىلىپ, كەلۋشىلەر ولاردى نارىقتاعى باعادان 10-20% تومەن باعامەن ساتىپ الا الادى.
ساتىپ الۋشىلارعا ىڭعايلى بولۋى ءۇشىن اكتسيالىق تاۋارلار ارنايى ناۆيگاتسيامەن جانە «Nauryz» تاقىرىپتىق بەزەندىرۋىمەن بەلگىلەنەدى. تاقىرىپتىق باعا بەلگىلەرى, برەندتەلگەن كورسەتكىشتەر مەن باسقا دا ناۆيگاتسيالىق ەلەمەنتتەر جەڭىلدىگى بار تاۋارلاردى وڭاي تابۋعا مۇمكىندىك بەرەدى.
ءتيىمدى ساۋدامەن قاتار, ساۋدا ورتالىقتارىنىڭ قوناقتارىن مازمۇندى مەرەكەلىك باعدارلاماعا كۋا بولادى. ساۋدا-ويىن-ساۋىق ورتالىقتارىنىڭ الاڭدارىندا:
- تاقىرىپتىق جارمەڭكەلەر مەن فەستيۆالدەر;
- كونتسەرتتەر مەن مۋزىكالىق باعدارلامالار;
- ۇلتتىق ناقىشتاعى فوتوايماقتار;
- بالالار مەن ەرەسەكتەرگە ارنالعان ينتەراكتيۆتى الاڭدار مەن ويىندار ۇيىمداستىرىلادى.
مەرەكەلىك ءىس-شارالاردىڭ نەگىزگى بولىگى 20-23 ناۋرىز ارالىعىندا الماتى قالاسىنداعى ساۋدا ورتالىقتارىنىڭ الاڭدارىندا وتەدى.
سونىمەن قاتار ساۋدا ورتالىقتارىنىڭ LED ەكراندارىندا ناۋرىز مەرەكەسىنىڭ داستۇرلەرىنە ارنالعان بەينەروليكتەر كورسەتىلەدى.
استانادا ناۋرىز مەرەكەسىنە وراي 200-دەن استام ءىس-شارا وتەدى
«Nauryz Sale» اكتسياسى الماتىداعى كوكتەمگى ماۋسىمنىڭ جارقىن وقيعالارىنىڭ بىرىنە اينالىپ, مەرەكەلىك اتموسفەرانى, مادەني باعدارلامالاردى جانە ءتيىمدى ساۋدا مۇمكىندىكتەرىن بىرىكتىرەدى. ۇيىمداستىرۋشىلار قالا تۇرعىندارى مەن قوناقتارىن ساۋدا ورتالىقتارىنا كەلىپ, مەرەكەلىك ءىس-شارالارعا قاتىسۋعا شاقىرادى.
