قابىلداۋعا بارلىق ازاماتتار جازىلا الدى. 90-نان استام ادام قابىلداندى. كوتەرىلگەن نەگىزگى ماسەلەلەر: جۇمىسقا تۇرۋ, الەۋمەتتىك كومەك الۋ, تۇرعىن ءۇي باعدارلامالارىنا قاتىسۋ, ۇلەستىك قۇرىلىس نىساندارىنىڭ قۇرىلىسى, تۇرعىي ءۇي كوممۋنالدىق شارۋاشىلىعىنىڭ جۇمىسى, اپاتتى جانە ەسكى ۇيلەردى ءسۇرۋ جانە تاعى باسقا.
قالا اكىمى التاي كولگىنوۆ ازاماتتاردى قابىلداۋ - ماسەلەنى ناقتى شەشۋگە جول باستايتىندىعىن, الايدا جۇيەلى شارالار قابىلداۋ قاجەت ەكەندىگىن اتاپ ءوتتى.
«تۇرعىن ءۇي كەزەگىندە 48 مىڭ ادام تۇر. باسپانا تەك كەزەك تارتىبىمەن بەرىلەدى. زاڭ اياسىندا كومەك كورسەتەمىز, جۇيەلى شارالار قابىلدايمىز, دەمەۋشىلەردى تارتامىز», - دەدى قالا اكىمى التاي كولگىنوۆ.
قابىلداۋ بارىسىندا قالا تۇرعىندارى اكىمدىككە اتقارىلعان جۇمىستار مەن بىرقاتار شەشىلگەن ماسەلەلەر ءۇشىن العىستارىن ءبىلدىردى.
سونىمەن قاتار «استانا» كونتسەرت زالىنىڭ حوللىندا اكىمدىك باسقارمالارىنىڭ باسشىلارى, اكىمنىڭ ورىنباسارلارى, اۋدان اكىمدەرى ازاماتتاردى قابىلدادى. سۇراقتاردىڭ ءبىر بولىگى سول جەردە شەشىلسە, قالعاندارى جۇمىسقا الىندى.
