«رەسپۋبليكالىق فيتوسانيتارلىق دياگنوستيكا جانە بولجامدار ادىستەمەلىك ورتالىعى» رمم-ءنىڭ مالىمەتى بويىنشا اعىمداعى جىلى شەگىرتكە تەكتەس زيانكەستەر 500 مىڭ گەكتاردان اسا القاپقا زيان كەلتىرۋى مۇمكىن دەگەن بولجام بار.
زيانكەستەردىڭ تۇرلەرىمەن كۇرەسۋ ءۇشىن رەسپۋبليكالىق بيۋدجەتتەن 1 ملرد. تەڭگە قاراجات ءبولىندى. اتالعان قاراجات بارلىق بولجامدالعان القاپقا پەستيتسدتەردى جانە حيميالىق وڭدەۋلەر جونىندەگى قىزمەت كورسەتۋلەردى ساتىپ الۋعا مۇمكىندىك بەرەدى.
ورتالىق قويمادا جالپى الاڭى 525,3 مىڭ گەكتار القاپقا شەگىرتكە تەكتەس زيانكەستەرمەن كۇرەسۋ ءۇشىن پەستيتسيدتەردىڭ 47,5 مىڭ ليتر قورى بار.
2020 جىلى شەگىرتكە تەكتەس زيانكەسكە قارسى قورعانىس ءىس-شارالارىن جۇرگىزۋ ءۇشىن 148 بىرلىك ارنايى بۇرىككىش تەحنيكا, ونىڭ ىشىندە 119 بىرلىك جەرۇستى بۇرىككىش, 10 ۇشاق, 10 بىرلىك اسا جەڭىل اۋە كەمە (اجاك) جانە 9 بىرلىك اەروزولدى گەنەراتور (گارد) جۇمىلدىرىلاتىن بولادى.
اقپارات ءۇشىن ايتار بولساق, بۇگىنگى تاڭدا شەگىرتكە شىعىس افريكانى شىرىلداتىپ جاتىر. شەگىرتكەلەردىڭ تارالۋى افريكا قۇرلىعىنىڭ كوپتەگەن ەلىندە جاپپاي اشارشىلىق تۋدىرۋى ىقتيمال ەكەنى ايتىلۋدا. بۇۇ زيانكەستەردىڭ كوبەيۋى ءونىمنىڭ جانە جانۋارلاردىڭ ازايۋىنا الىپ كەلەدى دەپ دابىل قاعۋدا.
ەلىمىزدە شەگىرتكە تەكتەس زيانكەستەرگە قارسى قورعانىس ءىس-شارالارىن ۋاقىتىلى ۇيىمداستىرۋ جۇمىستارى تولىق پىسىقتالۋدا.
