مەملەكەت باسشىسى قاسىم-جومارت توقاەۆتىڭ مالىمدەمە جاساعانى بەلگىلى. بۇل وقيعاعا قاتىستى كىنالى تۇلعالار انىقتالىپ, زاڭعا سايكەس ءوز جازالارىن الاتىن بولادى. ارنايى قۇرىلعان كوميسسيا بۇل جاعدايدى تولىق باقىلاۋدا ۇستاپ وتىر. ەلىمىزدىڭ باستى بايلىعى ۇلتتار بىرلىگى ەكەنىن ۇمىتپايىق! ەلباسىنىڭ بەيبىتشىلىك پەن تاتۋلىقتى تۋ ەتكەن ساياساتىنىڭ ارقاسىندا بەيبىت ءومىر ءسۇرىپ جاتىرمىز. ەل بىرلىگىنىڭ ساقتالۋىنا, دارىپتەلۋىنە قازاقستان حالقى اسسامبلەياسىنىڭ دا قوسىپ جاتقان ۇلەسى بار. وسى سەكىلدى وقيعالاردى تۋدىراتىن ارانداتۋشىلارعا جول بەرمەۋىمىز كەرەك. ەلىمىزدىڭ ايرانداي ۇيىعان اۋىزبىرشىلىگىن بۇزۋعا مۇمكىندىك تۋعىزباۋىمىز قاجەت.
وسى جاعدايدى ەسكەرە وتىرىپ, قايتا ورىن الماۋىنىڭ بارلىق امالدارىن جاساۋعا ءتيىسپىز. بىرلىگىمىزدى, بەيبىتشىلىگىمىزدى بۇزۋشىلاردىڭ, ەل ىشىنە ىرىتكى سالۋشىلاردىڭ ارام پيعىلىن كەسىپ وتىرعان ابزال. تاۋەلسىز قازاقستان شاڭىراعىنىڭ استىندا قازاق, وزبەك, ورىس سەكىلدى جۇزدەن اسا ۇلت- ۇلىس باياندى عۇمىر كەشىپ كەلەدى. ول – ءبىزدىڭ بىرلىگىمىزدىڭ, ىنتىماعىمىزدىڭ ارقاسى! سول سەبەپتى ارانداتۋعا ەرمەي, بارىنشا سابىرلى بولا بىلەيىك!
گەننادي شيپوۆسكيح,
پارلامەنت ءماجىلىسىنىڭ دەپۋتاتى
