«ەلىمىزدىڭ ترانزيتتىك-كولىك الەۋەتىن دامىتۋ ماسەلەلەرى – ۇكىمەت جۇمىسىنىڭ اسا ماڭىزدى باعىتى. كولىك سالاسى قازاقستاننىڭ ەكونوميكالىق ءوسىمىنىڭ درايۆەرلەرىنىڭ ءبىرى جانە دامۋدىڭ ۇلكەن الەكەتىنە يە. وسىعان بايلانىستى كولىك جونىندەگى كەڭەستى قۇرۋ تۋرالى شەشىم قابىلداندى», — دەدى ا. مامين.
ۇكىمەت باسشىسى كولىك سەكتورى قازاقستاننىڭ ءىجو 8,2% قۇرايتىنىن اتاپ ءوتتى. 2019 جىلدىڭ قورىتىندىسى بويىنشا سالا ءوسىمىنىڭ قارقىنى 5,1% قۇرادى, ال جۇمىسپەن قامتىلعان قىزمەتكەرلەر سانى 640 مىڭ ادامنان اسادى.
كولىك جونىندەگى كەڭەس قازاقستاننىڭ كولىك سالاسىن جانە ترانزيتتىك الەۋەتىن دامىتۋدىڭ وزەكتى ماسەلەلەرىن, وڭىرلىك كولىك-لوگيستيكالىق حابتى قۇرۋ, تۇرعىنداردىڭ موبيلدىلىگىن ارتتىرۋ, ەل اۋماعى بويىنشا جۇكتەردىڭ جەتكىزىلۋ مەرزىمىن قىسقارتۋ ت. ب. مىندەتتەردى قاراستىرادى.
كەڭەس قۇرامىنا مەملەكەتتىك ورگانداردىڭ جانە كولىك سالاسىنداعى ءىرى كومپانيالاردىڭ باسشىلارى كىردى.
