سۋرەتتى تۇسىرگەن ەرلان ومار, EQ
بيىل ءتورتىنشى رەت ۇيىمداستىرىلىپ وتىرعان شاراعا مەديا ساراپشىلار, جۋرناليستەر, باس رەداكتورلار, بلوگەرلەر مەن ۆلوگەرلەر قاتىسىپ جاتىر.
اقش-تىڭ قازاقستانداعى توتەنشە جانە وكىلەتتى ەلشىسى ۋيليام ح. موزەر العى سوزىندە بۇگىنگى قازاق ءتىلدى مەدياعا دەگەن سۇرانىس ارتىپ كەلە جاتقانىن اتاپ ءوتتى.
«Qazforum وسىدان 4 جىل بۇرىن قازاقتىلدى ونلاين مەديا وكىلدەرىنىڭ كاسىبي الاڭىن قالىپتاستىرۋ ماقساتىندا باستالدى. بۇگىن قازاق ءتىلىنىڭ قولدانۋ اياسى كەڭىپ كەلەدى. 4 ملن ادام مەديانى تۇراقتى قازاق تىلىندە تۇتىنادى ەكەن, 500-دەن استام قازاق ءتىلدى مەديا بار. الايدا قازاقتىلدى مەديا ءۇشىن جارناما تارتۋ ماسەلەسى ءالى دە قيىن بولىپ تۇر. بۇل الاڭدا ءارتۇرلى مەديا وكىلدەرى بۇگىنگى جاھاندىق وزگەرىستە پايدا بولعان مەديا سالاسىنداعى باستى سىن-قاتەرلەردى شەشۋ جولىن تابۋعا تىرىسادى», دەدى ۋيليام ح. موزەر.
اقش ەلشىسى بۇگىنگى قازاقتىلدى مەديا عانا ەمەس, جالپى الەمدىك مەديا جالعان اقپارات ماسەلەسىمەن بەتپە-بەت كەلىپ وتىرعانىن ايتتى.
