كورسە كوز قىزىعاتىن وسىناۋ نىساندارعا ەلباسىنىڭ «بولاشاققا باعدار: رۋحاني جاڭعىرۋ» ماقالاسىنىڭ «قازاقستاننىڭ كيەلى جەرلەرىنىڭ گەوگرافياسى» جوباسى اياسىندا بايزاق اۋداندىق تاريحي-ولكەتانۋ مۋزەيى قىزمەتكەرلەرى مەن ن.كيىكباەۆ اتىنداعى مەكتەپ-گيمنازيا وقۋشىلارى ارنايى بارىپ, ەكسكۋرسيا جاسادى.
ء بىز ءۇشىن مۇنداعى عاسىرلار تاريحىنان سىر شەرتەتىن, 65 مىڭنان استام جادىگەرى بار جامبىل وبلىستىق مۋزەي ءۇيى ەرەكشە اسەر قالدىردى.
مۇراجايداعى تاريحي جادىگەرلەر «تاريحقا دەيىنگى كەزەڭ», «تاراز قالاسىنىڭ تاريحى», «قازاق حالقىنىڭ ەتنوگرافياسى», «اۋليە اتا كەزەڭى» سىندى زالداردا توپتاستىرىلىپ قويىلعان ەكەن. ءوڭىرىمىزدىڭ وتكەن ومىرىنەن سىر شەرتەتىن وسىناۋ تاريحي قۇندىلىقتاردىڭ دەرەگىمەن ءبىزدى وبلىستىق مۋزەيدىڭ قىزمەتكەرى گۇلناز كولباەۆا تانىستىرىپ, جاستاردىڭ قىزىقتىرعان ساۋالدارىنا جاۋاپ بەردى.
وسى رەتتە اۋدانداعى ن.كيىكباەۆ اتىنداعى مەكتەپ-گيمنازيانىڭ تالىمگەرى انار بايسۇلتانوۆا: «كيەلى جامبىل جەرى كۇننەن-كۇنگە كوركەيىپ كەلەدى. اسىرەسە وبلىسىمىز سوڭعى كەزدەرى تاريحي ورىندارمەن تولىعا تۇسۋدە. «شاحريستان» ەتنو-كەشەنىن كورۋ كوپتەن بەرى ويىمىزدا جۇرگەن. وقۋشىلارىمىز مۋزەي ءۇيىن ارالاپ كورىپ, وتكەن تاريحىمىز تۋرالى تولىق ماعۇلمات الدى», دەيدى.
شىندىعىندا دا شىعىس ۇلگىسىندە سالىنعان كەشەننىڭ كوركى ايرىقشا قىزىعارلىقتاي. اسىرەسە ەكى مىڭ جىلدان اسا تاريحى بار تاراز توپىراعىنان تابىلعان قازبا بايلىقتار كونە داۋىرىمىزدەن سىر شەرتىپ, جاس ۇرپاققا اتا-بابا مۇراسىن ۇعىندىرۋعا سەبەپكەر بولۋدا.
ايناگۇل مامىتبەكوۆا,
بايزاق اۋداندىق تاريحي-ولكەتانۋ مۋزەيىنىڭ عىلىمي قىزمەتكەرى
جامبىل وبلىسى
