قازىرگى كۇندەرى ياكۋتيا ورماندارىندا ورىن الىپ جاتقان ورتتەردىڭ ءتۇتىنى تۇستىكتەگى بۋريات جەرىنە دەيىن جەتىپ جاتقان كورىنەدى. بۇل تۋرالى يتار-تاسس حابارلادى.
اۋامەن قالقىپ جەتكەن تۇتىننەن رەسپۋبليكا استاناسى – ۋلان-ۋدە قالاسىنىڭ ءوزى تۇنشىعىپ جاتقانعا ۇقسايدى. رەسپۋبليكا ورمان شارۋاشىلىعى اگەنتتىگىنىڭ ءباسپاسوز حاتشىسى الەكساندر ەگوروۆتىڭ ايتۋىنشا, «ياكۋتياداعى ورمان ورتتەرىن سوندىرۋگە جاردەم بەرۋگە فەدەرالدى رەزەرۆتەن 100 ءپاراشيۋتشى-دەسانتشىلار جىبەرىلگەن». تاعى وسىنداي 50 ساربازدى اتتاندىرۋ جوسپاردا تۇر.
جىل باسىنان بەرى بۋرياتيانىڭ وزىندە 604 ورمان ءورتى تىركەلىپتى. ول 20 مىڭ گەكتار القاپتى قۇرتىپ جىبەرگەن. بۇل وتكەن جىلعا قاراعاندا 6,5 ەسە از.
سۇلتان بوزايعىر.
