سۋرەتتى تۇسىرگەن: ەرلان ومار «EQ»
«قازگيدرومەت» رمك دەرەكتەرى بويىنشا 5 اقپان كۇنى ەلوردادا كوكتايعاق كۇتىلەدى.
وڭتۇستىك-باتىستان سوعاتىن جەلدىڭ ەكپىنى 15-20 م/س. داۋىلدىڭ ىقتيمالدىعى 85-90 % قۇرايدى. استانالىقتارعا كوشەدە باعانداردان, اعاشتاردان, جارنامالاردان, ەجج جانە سىمداردان الىس ءجۇرۋ ۇسىنىلادى.
سونداي-اق ۇيدەگى بارلىق تەرەزەلەردى جاۋىپ, جۇمىس بەرۋشىلەر قۇرىلىس-مونتاج جۇمىستارىنا شەكتەۋ قويعانى دۇرىس.
قاتتى جەل بولعان جاعدايدا جاقىن ماڭداعى عيماراتقا كىرىپ, جەل باسىلعانعا دەيىن جاسىرىنۋ قاجەت. قاۋىپسىزدىك ماقساتىندا بيىك وكشەلى اياق كيىمنەن باس تارتىپ, مۇز قاتقان بارلىق جەرلەردى اينالىپ ءوتۋ مۇمكىندىگىن قاراستىرعان ءجون.
ەگدە جاستاعى ادامدارعا رەزەڭكە ۇشتىعى بار تاياق قولدانۋعا كەڭەس بەرىلەدى. جاياۋ جۇرگىنشى اۋىر سومكەلەردەن باس تارتىپ, قۇلاۋ ىقتيمالدىعىن ارتتىرماس ءۇشىن قولدى قالتاعا سالىپ جۇرمەۋى قاجەت.
دەنساۋلىققا زاقىم كەلگەن جاعدايدا دارىگەر كومەگىنە جۇگىنگەن ءجون.
سونداي-اق توتەنشە جاعداي تۋىنداسا, «112» نومىرىنە قوڭىراۋ شالۋ كەرەك.
