13 قاڭتار كۇنى ءتۇن ىشىندە جانىبەك اۋىلىنىڭ كوشەلەرىنىڭ بىرىندە «ۆاز-21099» كولىگىمەن كەلە جاتقان 36 جاستاعى تۇرعىندى پوليتسيا توقتاتىپ, جۇرگىزۋشىنىڭ ماس ەكەنىن كورگەن. ساراپتاما دا ونىڭ الكوگولدى ىشىمدىك ىشكەنىن راستادى. كولىك سالونىندا بوس بوتەلكە شاشىلىپ جاتىپتى.
- وسى قۇقىق بۇزۋشىلىعى ءۇشىن ول تۇرعىن قىلمىستىق جاۋاپقا تارتىلدى. جانىبەك اۋداندىق سوتىنىڭ ۇكىمىمەن وعان 2 جىل 6 ايعا باس بوستاندىعىنان ايىرۋ جانە كولىك قۇرالدارىن جۇرگىزۋ قۇقىعىنان ءومىر بويى ايىرۋ جازاسى قولدانىلدى, - دەيدى بقو پوليتسيا دەپارتامەنتىنىڭ ءباسپاسوز حاتشىسى بولاتبەك بەلگىبەكوۆ.
بۇل ازاماتتىڭ مۇنشالىق قاتاڭ جازالانۋىنىڭ سەبەبى دە بار ەكەن: ول سوت شەشىمىمەن 2017 جىلى دا ءۇش جىلعا كولىك جۇرگىزۋ قۇقىعىنان ايىرىلعان, الايدا وسىعان قاراماستان قىلمىستىق قۇقىقبۇزۋشىلىقتى قايتالاپ وتىر.
بقو پوليتسيا دەپارتامەنتىنىڭ تەرگەۋ باسقارماسىنىڭ دەرەگىنشە, بيىلعى ءبىر اي ىشىندە پوليتسيا قىزمەتكەرلەرى كولىك جۇرگىزۋ قۇقىعىنان ايىرىلعان, سوعان قاراماستان ماس كۇيىندە رولگە وتىرعان 24 جۇرگىزۋشىنى ۇستاپتى. ونىڭ 13-ءى ورال قالاسىندا قولعا تۇسكەن.
ايتا كەتەيىك, قازاقستاندا ماس كۇيىندە كولىك جۇرگىزۋ جاۋاپكەرشىلىگىن كۇشەيتەتىن زاڭ بيىلعى 11 قاڭتاردان باستاپ كۇشىنە ەنگەن.
باتىس قازاقستان
