كورەرمەندەر ءانسامبلدىڭ بالەت ارتيستەرى: ازامات اسقاروۆ, ارقات اشىربەك, ريزا تاعانوۆا, راۋشان كۋندۋكوۆا, اقجول ابيبۋللا, سۇڭكار بولات, دەنيس ۆيتچەنكو, ايدا اجماعامبەتوۆا, ماقپال ناناەۆا, ەسكەندىر تەرگەميسوۆ, لاۋرا ۇركىنباەۆا, ەرجان سارمانوۆ, عازيز جانىبەكوۆ, ۆەنەرا فاحرەتدينوۆا, گروزنىي قالاسىنداعى ماحمۇد ەسامباەۆ اتىنداعى حالىقارالىق بي كونكۋرسىنىڭ گران-پري جۇلدەگەرى - ەرنۇر قارىقبولدىڭ ونەرىن تاماشالايدى.
كونتسەرتتىڭ جۇرگىزۋشىسى حالىقارالىق كونكۋرستاردىڭ لاۋرەاتى – قۋات ىدىرىسقاليەۆ.
وسىناۋ شىعارماشىلىق ءىس-ساپار اياسىندا ءانسامبلدىڭ كوركەمدىك جەتەكشىسى, باس بالەتمەيستەرى, قر ەڭبەك سىڭىرگەن قايراتكەرى, «قۇرمەت» جانە «پاراسات» وردەنىنىڭ يەگەرى گۇلساۋلە ورۋمباەۆا باق وكىلدەرىن ۇلى ابايدىڭ 175 جىلدىعى قارساڭىندا اتقارىلاتىن ءىس-شارالار رەتىمەن تانىستىردى.
«2020 جىل قازاقستاندا اباي قۇنانباي ۇلىنىڭ 175-جىلدىق مەرەيتويى دەپ جاريالاندى. 9-شى قاڭتاردا «ەگەمەن قازاقستان» گازەتىندە پرەزيدەنتىمىز قاسىم-جومارت كەمەل ۇلى توقاەۆتىڭ اباي قۇنانباي ۇلىنىڭ 175-جىلدىعىنا وراي جاريالانعان «اباي جانە XXI عاسىردى قازاقستان» ماقالاسى شىقتى. ءبىز ءبىراۋىزدان ماقالانى قولدايمىز جانە دە اقىننىڭ شىعارمالارىنىڭ بۇگىنگى كۇنگە دەيىن حالىققا وزەكتى جانە رۋحاني ازىق ەكەنىنە جانە سونىڭ ارقاسىندا مەملەكەتىمىز ۇلى اقىننىڭ كەڭەستەرىنە سۇيەنە وتىرىپ, بارلىق سالالاردا داميتىنىنا, ۇلكەن جەتىستىكتەرگە جەتەتىنە سەنىمدىمىز»,-دەدى ول.
ايتا كەتەتىنى, مەملەكەتتىك «سالتانات» بي ءانسامبلى 1955 جىلى قازاق مەملەكەتتىك ءان-بي ءانسامبلىنىڭ نەگىزىندە ۇيىمداستىرىلىپ, 1989 جىلى «سالتانات» بي ءانسامبلى بولىپ قايتا قۇرىلعان.
كوركەمدىك جەتەكشىسى جانە باس بالەتمەيسترى قر ەڭبەك سىڭىرگەن ونەر قايراتكەرى – گۇلساۋلە ورىمباەۆا.
قازىر ۇجىمدا 70-تەن استام ءبيشى, رەپەرتۋارىندا 150 دەن استام حالىقتىڭ ءبيى بار. ۇجىم وسى ارالىقتا اقش, ۇلىبريتانيا, فرانتسيا, بولگاريا, يتاليا, تۇركيا, قىتاي, رەسەي ەلدەرىندە كونتسەرت بەرگەن.
