تاراپتار قازۇۋ-دىڭ بۇۇ «اكادەميالىق ىقپال» باعدارلاماسىنىڭ تۇراقتى دامۋ بويىنشا جاھاندىق حابى رەتىندە بىرىككەن ۇلتتار ۇيىمىنىڭ 75 جىلدىعىنا ارنالعان شاراعا قاتىسۋىن تالقىلادى.
فابريتسيو حوحشيلد بۇۇ-نىڭ جاھاندىق دامۋ ماقساتى جولىندا قازاقستاندىق جوو-دا جۇزەگە اسىپ جاتقان حالىقارالىق باستامالار مەن جوبالاردىڭ مازمۇندىلىعىنا توقتالىپ, جاھاندىق حابتى باسقارىپ وتىرعان قازۇۋ جۇمىسىنا العىسىن ءبىلدىردى. سونداي-اق ول ءال-فارابي مەرەيتويىنا ارنالعان شارالاردىڭ ماڭىزدىلىعىن ايتىپ, ادامزات وركەنيەتىنىڭ تۇراقتى دامۋىندا وزەكتىلىككە يە بولاتىن عۇلامانىڭ ىزگىلىكتى يدەيالارىن ناسيحاتتاۋ قاجەتتىگىن جەتكىزدى. حالىقارالىق لاۋازىمدى تۇلعانىڭ پىكىرىنشە, ۇلى ويشىلدىڭ دۇنيەتانىمى مەن مۇراسى الەمدەگى ازاماتتىق دامۋدىڭ تابيعاتىمەن ۇندەسىپ جاتىر. سوندىقتان كەلەر ۇرپاق ونىڭ تاعىلىمىنان ۇلگى الۋى ءتيىس.
ەستە بولسا, بىرەر كۇن بۇرىن ءال-فارابي اتىنداعى قازاق ۇلتتىق ۋنيۆەرسيتەتىندە الەمنىڭ ەكىنشى ۇستازى اتانعان عالىمنىڭ 1150 جىلدىعى رەسمي تۇردە اشىلىپ, قازۇۋ قابىرعاسىنان بارلىق تالاپتارعا ساي ءال-فارابي عىلىمي-تەحنولوگيالىق القابى قۇرىلاتىنى ايتىلعان بولاتىن.
الماتى
