پارلامەنت • 03 اقپان، 2020

ماجىلىستە ەكولوگيالىق كودەكس جوباسى تانىستىرىلدى

21 رەت كورسەتىلدى

بۇگىن ماجىلىستە قازاقستان رەسپۋبليكاسىنىڭ ەكولوگيالىق كودەكسى جانە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەكولوگيا ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوبالارىنىڭ تانىستىرىلىمى ءوتتى. بۇل تۋرالى پارلامەنت ءماجىلىسىنىڭ ءباسپاسوز قىزمەتى حابارلادى.

تانىستىرىلىمعا ءماجىلىس دەپۋتاتتارى، مينيسترلىكتەر، باس پروكۋراتۋرانىڭ، پارلامەنتتىك ەمەس ساياسي پارتيالار، قاۋىمداستىقتار مەن قوعامدىق بىرلەستىكتەردىڭ، «اتامەكەن» ۇلتتىق كاسىپكەرلەر پالاتاسىنىڭ وكىلدەرى جانە ساراپشىلار قاتىستى.

وتىرىستى اشقان ەكولوگيا ماسەلەلەرى جانە تابيعات پايدالانۋ كوميتەتىنىڭ توراعاسى گلەب ششەگەلسكي جاڭا ەكولوگيالىق كودەكستى ازىرلەۋگە ەلباسى – تۇڭعىش پرەزيدەنت ن.ءا. نازارباەۆتىڭ 2018 جىلعى قازاقستان حالقىنا جولداۋىنداعى ەكولوگيالىق زاڭنامانى وزەكتەندىرۋ جانە ەكولوگيالىق تۇراقتى دامۋدىڭ باسىمدىلىعى تۋرالى جانە «قازاقستان – 2050» ستراتەگياسىنىڭ تاپسىرمالارى، سونداي – اق مەملەكەت باسشىسى ق.توقاەۆتىڭ 2019 جىلعى 12 ماۋسىمداعى سايلانعان قازاقستان پرەزيدەنتى قىزمەتىنە رەسمي كىرىسۋ راسىمىندە قويعان بىرىڭعاي ەكولوگيالىق ساياساتتى قالىپتاستىرۋ جونىندەگى مىندەتتەرى نەگىز بولعانىن اتاپ ءوتتى.

زاڭ جوبالارىنىڭ نەگىزگى نوۆەللالارى تۋرالى ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ باياندادى. كودەكس جوباسىنىڭ نەگىزگى باسىمدىقتارى: قورشاعان ورتاعا اسەردى باعالاۋدىڭ قولدانىستاعى جۇيەسىن قايتا قاراۋ، تابيعات پايدالانۋشىنى ەميسسيالاردى تومەندەتۋگە ىنتالاندىرۋ، شىعارىندىلاردى نورمالاۋ قاعيداتتارىن جەتىلدىرۋ، ەكولوگيالىق رەتتەۋدىڭ پروگرەسسيۆتى تەتىكتەرىن ەنگىزۋ، سونداي-اق ەكولوگيالىق زاڭنامانى بۇزعانى ءۇشىن اكىمشىلىك سانكتسيالاردىڭ مولشەرىن قايتا قاراۋ، قورشاعان ورتاعا ەميسسيا ءۇشىن تولەمنەن تۇسەتىن قاراجاتتى ءتيىستى ءوڭىردىڭ ەكولوگيالىق احۋالىن جاقسارتۋعا بايلانىستى ماسەلەلەردى شەشۋگە باعىتتاۋ.

ءمينيستردىڭ ايتۋىنشا، ۇسىنىلىپ وتىرعان ەكولوگيالىق كودەكستىڭ جاڭا جوباسىنىڭ قولدانىستاعىدان باستى ايىرماشىلىعى – ول ورتاعا تەرىس اسەردى بولدىرماۋ ءۇشىن الدىن الۋ شارالارىن قابىلداۋعا باعىتتالعان. ماسەلەن، جاڭا ەكولوگيالىق كودەكستە قورشاعان ورتاعا اسەردى باعالاۋ (قواب) راسىمىنەن ءوتۋ تۋرالى تالاپ تەك ء«بىرىنشى ساناتقا» قاتىستى قولدانۋ ۇسىنىلادى، وسىلايشا، نازار ەكولوگيالىق قاۋىپتى وبەكتىلەرگە شوعىرلاندىرىلاتىن بولادى، بۇل قواب ساپاسىن ارتتىرۋعا مۇمكىندىك بەرەدى.

زاڭ جوباسىندا ەكولوگيالىق نورمالاۋ جۇيەسىن جەتىلدىرۋ كوزدەلگەن، گيگيەنالىق نورماتيۆتەردىڭ ورنىنا قورشاعان ورتا ساپاسىنىڭ ەكولوگيالىق نورماتيۆتەرىن كەزەڭ-كەزەڭمەن ەنگىزۋ ۇسىنىلادى. سونداي-اق، مينيستر زاڭ جوباسىندا بالامالى، «تازا» ەنەرگياعا جوسپارلى كوشۋ جانە بيزنەستى «جاسىل» تەحنولوگيالارعا ينۆەستيتسيالاۋعا ىنتالاندىرۋ، سونداي-اق شاعىن جانە ورتا بيزنەس سۋبەكتىلەرىن كەڭىنەن تارتا وتىرىپ، قاتتى تۇرمىستىق قالدىقتاردى قازىرگى زامانعى كادەگە جاراتۋ مەن قايتا وڭدەۋگە كوشۋ قاراستىرىلعانىن اتاپ ءوتتى.

بايانداما اياقتالعاننان كەيىن ءماجىلىس دەپۋتاتتارى م.مىرزاعاليەۆكە بىرقاتار سۇراقتار قويىپ، جاۋاپ الدى. ولار: ي.ۋنجاكوۆا، م.بوپازوۆ، س.سيمونوۆ، م.ايسينا، ا.راۋ، ب.حامەنوۆا، م.تەمىرجانوۆ، پ.شاراپاەۆ، ۋ.قاينازاروۆ، ا.قوجاحمەتوۆ، گ.بيجانوۆا، ي.ارونوۆا، د.مىڭباي، ش.وتەمىسوۆ، ا.سۋسلوۆ. تالقىلاۋ بارىسىندا ايتىلعان ۇسىنىستار مەن ەسكەرتۋلەر ودان ءارى مانسۇرحان ماحامبەتوۆ جەتەكشىلىك ەتەتىن جۇمىس توبىنىڭ وتىرىستارىندا قارالاتىن بولادى.

سوڭعى جاڭالىقتار

ەكى وڭىردە اۋا ساپاسى ناشارلايدى

ايماقتار • بۇگىن، 09:36

جەڭىسكە جەتكىزگەن «جۇمىر قىلىش»

رۋحانيات • بۇگىن، 08:18

«ناۋرىز-فيلوسوفيا» ناقىشتارى

رۋحانيات • بۇگىن، 08:17

رەيتينگتە جوعارىلادى

سپورت • بۇگىن، 08:15

شەشۋشى كەزەڭ باستالادى

سپورت • بۇگىن، 08:14

كارانتين قۇرساۋى سوگىلە باستادى

ايماقتار • بۇگىن، 08:10

زالال كولەمى – 1 ملرد تەڭگە

ەكولوگيا • بۇگىن، 08:08

ۇلاننان شىققان ۇلاعات يەسى

قوعام • بۇگىن، 08:00

قازاق ءۆالسىنىڭ كورولى

تەاتر • بۇگىن، 07:56

كوكسەرەك-عۇمىر

رۋحانيات • بۇگىن، 07:54

ۇقساس جاڭالىقتار