«دۇنيەجۇزىندە بۇگىن تۇسكە دەيىن ۆيرۋس جۇقتىرعاندار سانى 17 459 ادامعا جەتتى. ودان 362 ادام قايتىس بولدى جانە 483 ادام تولىق جازىلىپ شىقتى. ولىمگە اكەپ سوققان 96 پايىز وقيعا اۋرۋدىڭ وشاعى بولعان حۋبەي پروۆينتسياسىندا تىركەلگەن», - دەدى جانداربەك بەكشين
باس سانيتارلىق دارىگەردىڭ مالىمەتىنە سۇيەنسەك, الەم بويىنشا اۋرۋدى جۇقتىرعانداردىڭ 98,9 پايىزى – قىتاي تۇرعىندارى.
«ينفەكتسيانىڭ تارالۋى ءالى دە جالعاسۋدا. بىراق ەڭ اۋەلى حۋبەي پروۆينتسياسىنداعى ۋحان قالاسىندا تولىق جازىلعاندار سانى قايتىس بولعاندار سانىنان اسىپ ءتۇستى. بۇل ءبىزدى قۋانتادى. سونداي-اق دۇنيەجۇزىلىك دەنساۋلىق مالىمدەمەسىنە سايكەس, قىتاي ۇكىمەتى ەپيدەميانى نەگىزى ايماقتا عانا وقشاۋلاۋى كەرەك», - دەدى ول.
