ايماقتار • 03 اقپان، 2020

داۋلەتكەرەي كۇيلەرى ناسيحاتتالاتىن جىل

1157 رەت كورسەتىلدى

بيىل ايگىلى كۇيشى-كومپوزيتور، جۇرەكتىڭ قىلىن شەرتەتىن «تورە كۇيلەرىنىڭ» نەگىزىن قالاۋشى داۋلەتكەرەي شىعاي ۇلىنىڭ تۋعانىنا 200 جىل جانە باتىس قازاقستان وبلىسىنداعى داۋلەتكەرەي اتىنداعى ۇلت-اسپاپتار وركەسترىنىڭ قۇرىلعانىنا 20 جىل تولىپ وتىر.

قاتار كەلگەن قوس مەرەيتويعا وراي داۋلەتكەرەي وركەسترى جىل بويى 20 كونتسەرت بەرەتىنىن حابارلادى. بۇعان قوسا عاريفوللا قۇرمانعاليەۆ اتىنداعى باتىس قازاقستان وبلىستىق فيلارمونياسى ورنالاسقان تاريحي عيمارات قابىرعاسىندا جىل سوڭىنا دەيىن كۇيشىنىڭ سۋرەتى سالىنعان جارناما تاقتا ءىلىنىپ تۇرماق.

- داۋلەتكەرەيدىڭ سوڭىندا مول مۇرا قالدى. بىراق وكىنىشكە قاراي ول كۇيلەردىڭ وركەسترگە لايىقتالعان پارتيتۋرالارى وسى كەزگە دەيىن جيناقتالماعان، ءبىر ىزگە تۇسىرىلمەگەن. ءبىز بيىل وسى ىسپەن جۇيەلى اينالىسىپ، قازاقستاننىڭ ءار تۇكپىرىندەگى ونەر ۇجىمدارىندا، ديريجەر ارىپتەستەرىمىزدە، وقۋ ورىندارىندا بار پارتيتۋرالاردى جيناقتاپ، رەتتەپ، جەكە جيناق شىعارۋدى جوسپارلاپ وتىرمىز. ال «20 جىلدىققا – 20 كونتسەرت» اتتى اۋقىمدى جوبامىز بويىنشا ورالدىق كورەرمەن عانا ەمەس، وزگە وڭىردەگى جانكۇيەرلەرىمىز الدىندا دا ونەر كورسەتەمىز، - دەيدى داۋلەتكەرەي اتىنداعى قازاق حالىق اسپاپتارى وركەسترىنىڭ باس ديريجەرى جانە كوركەمدىك جەتەكشىسى، «قۇرمەت» وردەنىنىڭ يەگەرى، مەملەكەتتىك «دارىن» جاستار سىيلىعىنىڭ لاۋرەاتى، مادەنيەت سالاسىنىڭ ۇزدىگى ەركىن نۇرىمبەتوۆ.

ورال قالاسىنداعى داۋلەتكەرەي اتىنداعى ۇلت-اسسپاپتار وركەسترىن العاش قۇرىپ، ىرگەتاسىن قالاعان – قازاقستان رەسپۋبليكاسىنىڭ ەڭبەك سىڭىرگەن قايراتكەرى، داۋلەتكەرەي اتىنداعى قازاق حالىق اسپاپتارى وركەسترىنىڭ باس ديريجەرى قىرىمگەرەي قاجىموۆ. 2000 جىلى ەلىمىزدە «مادەنيەتتى قولداۋ جىلى» جاريالانعان كەزدە، سول كەزدەگى وبلىس، قالا باسشىلارىنىڭ كومەگىمەن پايدا بولعان ونەر ۇجىمى بۇگىندە بىرنەشە حالىقارالىق سايىستاردىڭ جۇلدەگەرى بولىپ ۇلگەرگەن. قازاقستان ىشىندە داۋلەتكەرەي وركەسترىن ونەر ماماندارى جاقسى تانيدى. 

- داۋلەتكەرەي – ەرەكشە كومپوزيتور. ءبىزدىڭ قۇرمانعازى، داۋلەتكەرەي، دينا كۇيشىلەرىمىز ءبىرىن ءبىرى قايتالامايدى، ارقايسىسى ءوز الدىنا بولەك. داۋلەتكەرەي قازاقتىڭ ءداستۇرلى كۇي ونەرىن الەمدىك مۋزىكامەن ۇشتاستىردى. بۇل جونىندە زاتاەۆيچ، احمەت جۇبانوۆ وسىنداي قورىتىندى جاساعان. داۋلەتكەرەي كۇي ونەرىنە ليريكالىق باعىت بەردى. ول قازاقتىڭ العاشقى ءان-بي ءانسامبلىن دە جاساعان ادام. بۇعان ونىڭ زامانداسىنىڭ سالعان كارتيناسى كۋا. داۋلەتكەرەيدىڭ توڭىرەگى، وسكەن ورتاسى كوپ ۇلتتى بولدى. ول سولاردى زەرتتەدى، پايدالاندى. داۋلەتكەرەي باتىس ەۋروپانىڭ كومپوزيتورلارىن بىلگەن، ۆەرديدىڭ، شتراۋستىڭ شىعارمالارىن تىڭداعان. زاتاەۆيچتىڭ بوكەي ورداسىن ۆەناعا تەڭەۋى تەگىن ەمەس، دەيدى مادەنيەت سالاسىنىڭ ارداگەرى، ولكەتانۋشى جايساڭ اقباي.

داۋلەتكەرەي شىعاي ۇلىنىڭ زيراتى بۇگىندە بوكەيلىكتەگى حان ورداسى اۋىلىندا، جاڭگىر حاننىڭ جانىندا جاتىر. باسىنا كەسەنە ورناتىلعان. قازاقستاننىڭ جالپىۇلتتىق كيەلى نىساندارى قاتارىنا ەنگەن بۇل نىسانعا الىس-جاقىننان ارنايى كەلەتىن تۋريستەر از ەمەس.

- بيىلعى مەرەيتويلى جىلدا كۇيشىنىڭ تۇتاس تۇلعاسى، ءومىر جولى، سوڭىندا قالعان مۇراسى تولىق زەرتتەلۋى ءتيىس. ونىڭ تۋعان جىلىنا قاتىستى ايتىلاتىن ءتۇرلى بولجامدارعا دا ناقتى دەرەكپەن نۇكتە قوياتىن ۋاقىت جەتتى، - دەيدى قىرىمگەرەي قاجىموۆ.

 

باتىس قازاقستان

سوڭعى جاڭالىقتار

قاراعاندىدا كارانتين كۇشەيتىلدى

ايماقتار • بۇگىن، 08:09

URKER ۇسىنعان ۇزدىكتەر

ونەر • بۇگىن، 07:57

كوروناۆيرۋس باسەڭدەر ەمەس

الەم • بۇگىن، 07:56

كەشىرىم ايى كەلدى

رۋحانيات • بۇگىن، 07:50

بيزنەستە ايەلدەردىڭ ۇلەسى قانداي؟

ەكونوميكا • بۇگىن، 07:38

ءۇشىنشى بەسجىلدىق: مەجە مەن مىندەت

ەكونوميكا • بۇگىن، 07:35

بايراعى بيىك باعزى ونەر

رۋحانيات • بۇگىن، 07:33

ەكى الپاۋىتتىڭ ايقاسى

بوكس • بۇگىن، 07:25

پاۆلوداردا جاعداي كۇردەلەنە ءتۇستى

كوروناۆيرۋس • بۇگىن، 07:21

ورازانىڭ ءار ءساتى ساۋاپ

رۋحانيات • كەشە

ءسوزدىڭ جەتى بوياۋى

تانىم • كەشە

ۇقساس جاڭالىقتار