اڭگىمە بارىسىندا مايك پومپەو قازاقستاننىڭ تۇڭعىش پرەزيدەنتىنە اقش پرەزيدەنتى دونالد ترامپتىڭ جىلى لەبىزدەرىن جەتكىزدى.
نۇرسۇلتان نازارباەۆ ەكى ەلدىڭ ستراتەگيالىق سەرىكتەستىگىن نىعايتۋا باعىتتالعان بىرلەسكەن كۇش-جىگەر مەن قابىلدانعان شارالاردى اتاپ ءوتتى.
– تاۋەلسىزدىكتءىڭ باستاپقى كەزەڭىندە ءبىز «شەۆرون» كومپانياسىمەن كەلىسىم جاسادىق. وسى ساتتەن باستاپ قازاقستانعا امەريكاندىق ينۆەستيتسيالار كەلدى. بۇگىنگى تاڭدا بىزدە 410 بىرلەسكەن كاسىپورىن بار. امەريكاندىق ينۆەستيتسيالاردىڭ كولەمى 45 ميلليارد دوللاردان استى, - دەدى ەلباسى.
ءوز كەزەگىندە مايك پومپەو قازاقستانعا ساپارى جانە كەلىسسوزدەردىڭ ناتيجەلەرى تۋرالى ايتتى.
– مەن پرەزيدەنت قاسىم-جومارت توقاەۆپەن جانە قازاقستاننىڭ سىرتقى ىستەر مينيسترىمەن ماڭىزدى كەزدەسۋلەر مەن كەلىسسوزدەر وتكىزدىم. ءسىز امەريكا قۇراما شتاتتارىنىڭ بۇرىننان كەلە جاتقان دوسىسىز. ەلدەرىمىزءدىڭ اراسىندا ءوزارا ءتيىمدى سەرىكتەستىك قالىپتاسقان. قازاقستانداعى وڭ وزگەرىستەر سءىزدىڭ جەكە ەڭبەگىڭىز دەپ بىلەمىن. ەلدىڭ دامۋ دەڭگەيى دە مەنى ءتانتى ەتتى, - دەدى اقش-تىڭ مەملەكەتتىك حاتشىسى.
