مال ۇرىلىعى ەكىباستۇز اۋىلدىق اۋماعىندا, اقتوعاي, ەرتىس, ماي, شارباقتى جانە پاۆلودار اۋداندارىندا كوبەيگەن.
مال ۇرلىعىنىڭ الدىن الۋ ماقساتىندا ەت ساتاتىن بازارلاردا رەيد شارالارى جۇرگىزىلەدى. بارىمتاشىلار ۇرلاعان مالدى تۋىستارىنا, اۋىل تۇرعىندارىنا ارزان باعامەن ساتۋعا شىعادى.
پوليتسەيلەر مال ۇرلىعىنا مال يەلەرىنىڭ جاۋاپسىزدىعى سەبەپ ەكەنىن, بارىمتاشىلار جايىلىمدا قاراۋسىز جۇرگەن جەرىنەن ۇرلايتىنى ايتۋدا.
ال, جول بويىندا بوس جۇرگەن مالدىڭ كەسىرىنەن بىلتىر 89 جول-كولىك وقيعاسى ورىن الىپتى.
ويتكەنى اۋىل تۇرعىندارىنىڭ مالى تولىعىمەن ەسەپكە الىنباعان.
ەكىنشىدەن, مال ۇرلىعىنىڭ ورىن الۋىنا انىقتامانى دۇرىس بەرمەيتىن جەرگىلىكتى اكىمدىك پەن مال دارىگەرلەرىنىڭ سالعىرتتىعى دا سەبەپ.
ەندى وبلىستىق اۋىل شارۋاشىلىعىنىڭ باستاماسىمەن باسقارماسى ۆەتەرينار ماماندار, ۋچاسكەلىك ينسپەكتور جانە اۋىل اكىمدەرى بىرلەسىپ, ءاربىر ءۇيدى ارالاپ, مالداردى ەسەپكە الماق.
سوندىقتان, قازىر مال قورادا تۇرعان كەزدە بۇل جۇمىستاردى قولعا الماق.
پوليتسەيلەردىڭ مالىمەتىنشە, وبلىس ورتالىعىنا قاراستى شاۋكەن, كەنجەكول, مويىلدى, جەتەكشى اۋىلدارى, لەنين كەنتىندە 6 مىڭعا جۋىق قارا مال, 9 مىڭعا جۋىق ۇساق مال, 2 مىڭعا جۋىق جىلقى تىركەلگەن.
ال, مال باسىن ەسەپكە الۋ شاراسى جىل باسىنان جۇرگىزىلەدى. ءىرى قارا مەن ۇساق مالدان تۋعان تولدەر 1 اپتادان كەيىن تىركەلەدى. ال ق ۇلىندى تۋعاننان كەيىن 4 ايدان سوڭ ەسەپكە الادى.
مالعا سىرعا سالۋ, جىلقىنىڭ تەرىسىنە چيپ ورناتۋ, تاڭبا سالۋ ارقىلى ت ۇلىكتەردى تىركەۋگە الادى.
- قالا بويىنشا ەسەپكە الىنباعان مال جوق. اۋىلشارۋاشىلىق جانۋارلارىن بىردەيلەندىرۋ دەرەكوزدەرىنە بارلىق دەرەكتى ەنگىزەمىز. مالدىڭ يەسى, جىنىسى, ءتۇسى, جاسى, تۇقىمى جونىندەگى مالىمەتتەر وسى دەرەككوزدە جازىلادى, - دەيدى پوليتسيا قىزمەتكەرلەرى.
پاۆلودار
