توكيونىڭ حانەدا اۋەجايىنا جاپون ازاماتتارىمەن ەكى ۇشاق قونعان. جەرگىلىكتى باق مەديتسينالىق تەكسەرىستەن وتكەن جولاۋشىلار ىشىندە ۆيرۋس جۇقتىرعان 3 ادام بولعانىن حابارلادى.
سونداي-اق اقش 200 ازاماتىن ەلگە قايتارعان.
ۇلىبريتانيا مەن وڭتۇستىك كورەيانىڭ ءوز ازاماتتارىن ۋحاننان الىپ كەتۋ شارالارى قىتاي بيلىگىنەن رۇقساتتىڭ بولماۋ سەبەبىنەن كەيىنگە قالدىرىلدى. ۇلىبريتانيا بيلىگى ۇشىپ كەلگەن جولاۋشىلار 14 كۇن بويى وقشاۋلانىپ, مەديتسينا قىزمەتكەرلەرىنىڭ باقىلاۋىندا بولاتىنىن مالىمدەدى.
اۆستراليا ازاماتتارىن كارانتيندىك رەجىمدە بولەك ارالدا ۇستاۋدى كوزدەپ وتىر.
ەۋروپا وداعى 250 فرانتسيا ازاماتتارىن قوسا العاندا تۇرعىندارىن ەكى ۇشاقپەن ەلگە قايتارماقشى.
سونىمەن قاتار كانادا, فيليپپين جانە مالايزيا ەلدەرى دە ءوز ازاماتتارىن ەلگە قايتاراتىندارىن مالىمدەدى.
قازاقستان ۇكىمەتى ۋحان قالاسىندا وقىپ جاتقان ستۋدەنتتەردى قايتارۋ جولى قاراستىرىلىپ جاتقانىن ايتقان. ال دەنساۋلىق ساقتاۋ وكىلدەرى ۆيرۋس شىققان ايماقتان كەلگەن وتانداستاردى قارسى الۋعا دايىندىعىن جەتكىزدى.
