«قىتاي حالىق رەسپۋبليكاسىنداعى ەپيدەميولوگيالىق جاعدايعا بايلانىستى ورال قالاسىنداعى مەديتسينا قىزمەتكەرلەرى قحر-دان جاقىندا عانا كەلگەن ادامدارعا قوڭىراۋ شالىپ, ارالارىنان جەدەل رەسپيراتورلىق ۆيرۋستىق ينفەكتسيا (جرۆي) بەلگىلەرى بار ادامداردى انىقتادى» دەپ حابارلادى بقو تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ ءباسپاسوز قىزمەتى.
ارنايى بەكىتىلگەن ءىس-ارەكەت الگوريتمىنە سايكەس, جرۆي بەلگىلەرى بار تۇلعالارعا مەديتسينالىق تەكسەرۋ جۇرگىزىلگەن. ءسويتىپ, زەرتحانالىق تەكسەرۋ ناتيجەسىندە قىتايدان كەلگەندەردىڭ بىرىنە جرۆي دياگنوزى قويىلعان. ونىمەن بايلانىستا بولعان ەكىنشى ادامنان ۆ ءتيپتى تۇماۋ ۆيرۋسى انىقتالعان.
«اتالعان ادامدار وبلىستىق جۇقپالى اۋرۋلار اۋرۋحاناسىنا جاتقىزىلدى, ولاردىڭ جاعدايى قاناعاتتانارلىق جانە نەگىزگى اۋرۋلارى جرۆي مەن تۇماۋ بويىنشا قاجەتتى سيمپتوماتيكالىق ەم الۋدا» دەلىنگەن الەۋمەتتىك جەلىدەگى پاراقشاسىندا.
بقو تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى حالىقتى جەلىدە تارالىپ جاتقان جالعان اقپاراتتارعا ەمەس, تەك رەسمي اقپارات كوزدەرىنە سەنۋدى سۇرايدى.
باتىس قازاقستان
