وبلىستىق دەنساۋلىق ساقتاۋ باسقارماسىنىڭ باسشىسى جاقسىلىق ابدۋسامەتوۆ جانە تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى باسشىسىنىڭ ورىنباسارى ءاليا ابدىقايىموۆا وسى جىلعى 28 قاڭتار كۇنى ىستىعى كوتەرىلىپ, دارىگەرگە قارالعان ءبىر ازاماتتىڭ قازىر وبلىستىق جۇقپالى اۋرۋلار اۋرۋحاناسىندا ەم الىپ جاتقانىن جەتكىزدى. دارىگەرلەردى الاڭداتقانى, ونىڭ 11-18 قاڭتار ارالىعىندا قىتاي ەلىندە ەم العانى بولىپ شىقتى. 20 قاڭتاردا قىزىلورداعا جەتكەن جەرلەسىمىز 8 كۇننەن كەيىن اۋرۋحاناعا تۇسكەن. ءبىر قۋانارلىعى, دارىگەرلەر كۇدىگى راستالمادى. قازىر ناۋقاستىڭ ىستىعى ءتۇسىپ, ەم الۋدى جالعاستىرۋدا. ۆيرۋسولوگيالىق زەرتحانا ماماندارى دا جەرلەسىمىزدىڭ قاۋىپتى ۆيرۋسقا شالدىقپاعانىن راستاپ وتىر.
قىزىلوردا وبلىسى
