ايماقتار • 29 قاڭتار، 2020

ساباق توقتادى، جولدار جابىلدى

63 رەتكورسەتىلدى

اق تۇتەك بوران، قالىڭ قار ەلىمىزدىڭ وزگە وڭىرلەرىمەن قاتار شىعىس جۇرتىن دا اۋرە-سارساڭعا سالىپ قويدى. كەشە وبلىستىڭ سەمەي، كۋر­چاتوۆ قالالارى مەن ۇلان اۋدانىنىڭ بىرقاتار مەكتەپتەرىندە ساباق توقتاتىلدى. ۇلان اۋدانىنىڭ 4 اۋىلىندا ءبىرىنشى اۋىسىمنىڭ 1-9، اۋدان بو­يىنشا ەكىنشى اۋىسىمنىڭ 1-9، كۋرچاتوۆتا ءبىرىنشى اۋىسىمنىڭ 1-9 جانە سەمەيدە ەكىنشى اۋىسىمنىڭ 1-4-سىنىپ وقۋشى­لارى مەكتەپ­كە بارا المادى.

وڭىردە اۋا رايىنىڭ قولايسىز­دىعىنا بايلانىستى تاس جولدار دا بىرىنەن سوڭ ءبىرى جابىلۋدا. سونىڭ كەسىرىنەن جولدا قالعان جولاۋشى كوپ. ماسەلەن، 17-18 قاڭتار كۇندەرى گلۋ­بوكوە اۋدانىنداعى بەرەزوۆكا اۋى­لى ارقىلى وتەتىن تاس جولدىڭ جابى­لۋىنا بايلانىستى 20 ادام بەرە­زوۆكا ورتا مەكتەبىندەگى جىلىتۋ پۋنكتتەرىنە جەتكىزىلدى. ال 25 قاڭتاردا «اياگوز-الماتى» تاس جولى جابىلىپ، سەمەي-ماقانشى، سەمەي-بارلىقاراسان، سەمەي-تالدىقورعان باعىتتارىندا جۇرەتىن اۆتوبۋستار اياگوزدە توق­تاۋعا ءماجبۇر بولدى. ون­داعى 71 جو­لاۋشىنىڭ 8-ءى قوناقۇيگە، ۇشەۋى تۋىس­تارىنىڭ ۇيىنە، قالعاندارى اياگوز قالاسىنداعى سپورت مەكتەبىنە ورنالاس­تىرىلدى. كەشە ءوڭىر ارقىلى وتەتىن «ومبى-مايقاپشاعاي» (587-733)، «وسكەمەن-تارعىن-سامار» (88-145)، «وسكەمەن-سەمەي» (10-198) جولدارى ۋا­قىتشا جابىلدى.

«كارى قۇدا» ايماقتاعى تۇرعىندار­مەن قاتار ءتورت ت ۇلىك پەن اڭ-قۇس اتاۋ­لىنى دا الەككە سالۋدا. ماسەلەن، 22 قاڭ­تاردا كوكپەكتى اۋدانىندا 70 جىلقى الاي-دۇلەي بوران كەزىندە دالادا قالىپ قويعان. امالى تاۋسىلعان «قابىل قاپار» شارۋا قوجالىعىنىڭ قوجايىنى قۇتقارۋشىلاردان كومەك سۇراپ، قىلقۇيرىقتىلار امان-ەسەن تابىلدى. بۇدان بولەك «كۋرچاتوۆ-سەمەي» تاس جولىنا دەيىن كولىكپەن كەلىپ، ءارى قاراي 5 شاقىرىم جەردەگى قىستاعىنا جاياۋ بارماق بولىپ، اداسىپ كەتكەن ەر ادامعا كومەك كورسەتىلدى. قۇتقارۋشىلار ونى تاس جولدان شامامەن 3 شاقىرىم جەردەن تاۋىپ، سەمەيگە دەيىن جەتكىزىپ، دارىگەرلەرگە تاپسىرعان.

تولاستاماي جاۋعان قار مەن ۇيىت­قي سوققان بوران توتەنشە جاعداي سالا­سىنىڭ قىزمەتكەرلەرى مەن جول­شىلارعا تىنىم تاپتىرماۋدا. وبلىستىق جولاۋ­شىلار كولىگى جانە اۆتوموبيل جولدارى باسقارماسى بەرگەن مالىمەتتەرگە سۇيەنسەك، قازىر ايماقتاعى جالپى قاشىقتىعى 3 مىڭنان استام شا­قى­­رىمدى قۇرايتىن وبلىستىق ما­­ڭىزى بار جولداردى تازارتۋعا «وبلشىعىسجول» كاسىپورنىنىڭ 116 تەح­­ني­كاسى جۇمىلدىرىلعان. سونى­مەن قاتار وبلىس اۋماعىنداعى تاس جول­داردىڭ بويىندا 12 616 مەتر ستا­تسيو­نارلى قار ۇستاعىش قالقاندار ور­نا­تىلعان. وبلىستىق توتەنشە جاع­دايلار دەپارتامەنتىنىڭ حابارلاۋىنشا، وڭىردەگى جولداردىڭ بويىندا 19 جى­لىتۋ پۋنكتى مەن 4 مەديتسينالىق قۇت­قارۋ بەكەتتەرى جۇمىس ىستەپ تۇر. 

 

شىعىس قازاقستان وبلىسى

 

سوڭعى جاڭالىقتار

ارمان الاسارماسىن

رۋحانيات • بۇگىن، 07:22

ديقان ديزەلدى تومەن باعاعا الادى

ەكونوميكا • بۇگىن، 07:11

كوروناۆيرۋسسىز قوستاناي

ايماقتار • كەشە

ۇقساس جاڭالىقتار