قازاقستان • 28 قاڭتار، 2020

اسقار مامين ۇلتتىق اۆتوموبيل پاۆيلونىن ارالادى

41 رەتكورسەتىلدى

پرەمەر-مينيستر اسقار مامين ۇلتتىق اۆتوموبيل پاۆيلونىن ارالاپ، وندا قازاقستاننىڭ اۆتوموبيل ونەركاسىبىن دامىتۋدىڭ 2020 جىلعا ارنالعان جوسپارلارىمەن تانىستى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

قازاقستاننىڭ اۆتوونەركاسىبىنىڭ قازىرگى جاي-كۇيى مەن دامۋ پەرسپەكتيۆالارى، سونداي-اق قر جانە ءور اۆتووندىرۋشىلەرىنىڭ ىنتىماقتاستىعى تۋرالى «قازاقستاندىق اۆتوبيزنەس قاۋىمداستىعى» زاڭدى تۇلعالار بىرلەستىگىنىڭ پرەزيدەنتى ا. لاۆرەنتەۆ، «Astana Group» باس ديرەكتورى ن. سماعۇلوۆ جانە «ۋزاۆتوسانوات» اق باسقارما توراعاسى ش. ۋمۋرزاكوۆ باياندادى.

2019 جىلدىڭ قورىتىندىسى بويىنشا قر ماشينا جاساۋ سالاسىنداعى اۆتوموبيل ونەركاسىبىنىڭ ۇلەسى 26%-دى قۇرادى (2018 جىلى – 19%)، جالپى قۇنى 360 ملرد تەڭگەگە جۋىق 50 مىڭ بىرلىكتەن اسا تەحنيكا ءوندىرىلدى، 2،7 مىڭعا جۋىق اۆتوموبيل ەكسپورتتالدى.

ساتىلىمداعى قازاقستاندىق اۆتوموبيلدەردىڭ ۇلەسى 59%-عا دەيىن ءوستى (2018 جىلى – 49%)، قر-دا ەڭ كوپ ساتىلاتىن اۆتوموبيل برەندىنىڭ 5-تەن 4-ءۋى – وتاندىق وندىرىستىكى.

بيىل قازاقستاندا 10-نان استام جاڭا اۆتوموبيل مودەلدەرى شىعارىلا باستادى. اۆتوونەركاسىپ ونىمدەرىنىڭ جالپى كولەمىن قىسقا مەرزىم ىشىندە 100 مىڭ اۆتوكولىككە دەيىن جەتكىزۋ كوزدەلگەن، ونىڭ ىشىندە 10-15 مىڭىن – رەسەيگە، قىرعىزستانعا، وزبەكستانعا، تاجىكستانعا، بەلارۋس، ازەربايجانعا جانە باسقا دا ەلدەرگە ەكسپورتتاۋ جوسپاردا بار. الماتى قالاسىندا قۋاتتىلىعى جىلىنا 45 مىڭ بىرلىك بولاتىن «Hyundai» زاۋىتى اشىلادى. اۆتووندىرۋشىلەر اۆتوكولىكتەردىڭ تۇرعىندار ءۇشىن قولجەتىمدىلىگىن ارتتىرۋ شارالارىن قابىلدايدى.   

پرەمەر-مينيستر ا. ءماميننىڭ قاتىسۋىمەن «ۋزاۆتوسانوات» اق جانە «KazakhExport» ەكسپورتتىق ساقتاندىرۋ كومپانياسى» اراسىندا ىنتىماقتاستىق تۋرالى كەلىسىمگە، سونداي-اق «سارىارقااۆتوونەركاسىپ» جشس مەن «UzAuto Motors» اق اراسىندا اۆتوكولىكتەردىڭ قۇراۋىشتارىن جەتكىزۋ تۋرالى كەلىسىمشارتقا قول قويىلدى. 

ۇكىمەت باسشىسىنا «Damas» اۆتوبۋسىنىڭ، «Labo» جۇك ماشيناسىنىڭ، سونداي-اق «Chevrolet» (Tahoe، Traverse، Trailblazer، Equinox، Malibu، Tracker، Onix، Spark جانە ت. ب.) اۆتوموبيلدەرىنىڭ مودەلدەرى تانىستىرىلدى، ولاردى قوستاناي قالاسىندا قۇراستىرۋ جوسپارلانعان. 

سوڭعى جاڭالىقتار

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار