قازاقستان • 28 قاڭتار، 2020

تۇرعىن ءۇي-كوممۋنالدىق شارۋاشىلىق تۋرالى جاڭا زاڭ نورمالارى ءتۇسىندىرىلدى

41 رەتكورسەتىلدى

2020 جىلعى 28 قاڭتاردا ورتالىق كوممۋنيكاتسيالار قىزمەتىندە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە تۇرعىن ءۇي-كوممۋنالدىق شارۋاشىلىق ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى زاڭىنىڭ نەگىزگى نورمالارىن تۇسىندىرۋگە ارنالعان ءباسپاسوز ءماسليحاتى ۇيىمداستىرىلدى. بۇل تۋرالى يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتى حابارلادى.

جيىنعا قر يندۋستريا جانە ينفراقۇرىلىمدىق دامۋ ءبىرىنشى ۆيتسە-ءمينيسترى قايىربەك وسكەنباەۆ، قر يدم قۇرىلىس سالاسىن جانە تۇرعىن ءۇي-كوممۋنالدىق شارۋاشىلىعىن دامىتۋ دەپارتامەنتىنىڭ ديرەكتورى رۋسلان لەپەسوۆ، «تۇرعىن ءۇي-كوممۋنالدىق شارۋاشىلىعىن جاڭعىرتۋ مەن دامىتۋدىڭ قازاقستاندىق ورتالىعى» اق مەتودولوگيا جانە وڭىرلىك دامۋ دەپارتامەنتى ديرەكتورىنىڭ ورىنباسارى مارعۇلان ابدىكارىموۆ قاتىستى.     

قايىربەك وسكەنباەۆ اتالعان زاڭ تۇرعىن ءۇي-كوممۋنالدىق شارۋاشىلىعى سالاسىن رەفورمالاۋعا، ونىڭ ىشىندە كوپتەگەن نورمالارى جەتىلدىرۋدى قاجەت ەتەتىن «تۇرعىن ءۇي قاتىناستارى تۋرالى» قر زاڭىن جەتىلدىرۋگە باعىتتالعانىن اتاپ ءوتتى.     

م ۇلىكتىڭ مەنشىك يەلەرىنىڭ بىرلەستىگى (Mميب) تۇرىندە كوممەرتسيالىق ەمەس ۇيىمنىڭ جاڭا نىسانى قۇرىلىپ، ولار ء«بىر ءۇي – ءبىر مMيب – ءبىر شوت» ءپرينتسيپى بويىنشا جۇمىس ىستەيدى. زاڭ بويىنشا پاتەر يەلەرى كووپەراتيۆتەرىنىڭ ورنىنا كوپ پاتەرلى تۇرعىن ءۇيدى باسقارۋدىڭ 2 نىسانى انىقتالعان: مMيب – زاڭدى تۇلعا نەمەسە كوپپاتەرلى تۇرعىن ۇيدە پاتەرلەر مەن تۇرعىن ەمەس ءۇي-جايلاردىڭ يەلەرى م ۇلىكتىڭ مەنشىك يەلەرى بىرلەستىگىن قۇرعىسى كەلمەسە جاي سەرىكتەستىك (زاڭدى تۇلعا قۇرماي-اق) بولادى.   

ۇسىنىلىپ وتىرعان پرينتسيپ ءاربىر ءۇيدى باسقارۋ بويىنشا جەكە ءتاسىلدى قاراستىرادى. ءاربىر م ۇلىكتىڭ مەنشىك يەلەرى بىرلەستىگى نەمەسە جاي سەرىكتەستىك وزدەرىنىڭ اعىمداعى جانە جيناق شوتتارىن اشادى. بۇل شارا پاتەر يەلەرى كووپەراتيۆتەرى جانە باسقارۋشى كومپانيالار تاراپىنان قىزمەتتەر مەن تاريفتەردى تۇرعىندارعا كۇشتەپ تاڭۋدى جويۋعا مۇمكىندىك بەرەدى جانە تۇرعىندار قاراجاتىن اشىق جۇمسالۋىن قامتاماسىز ەتەدى.

قايىربەك وسكەنباەۆ م ۇلىكتىڭ مەنشىك يەلەرى بىرلەستىگى تىركەۋ ماسەلەلەرىنە توقتالدى. ويتكەنى، بۇگىنگى تاڭدا حالىققا قىزمەت كورسەتۋ ورتالىقتارى تاراپىنان تىركەۋ كەزىندە «م ۇلىكتىڭ مەنشىك يەلەرى بىرلەستىگىنىڭ ۇلگىلىك جارعىسى جوق» دەگەن سەبەپپەن قايتارىپ جىبەرگەن جاعدايلار بولعان. ۇلگىلىك جارعىنى قازاقستان رەسپۋبليكاسى پرەمەر-ءمينيسترىنىڭ وكىمىنە سايكەس مينيسترلىك اعىمداعى جىلعى ناۋرىزدا بەكىتەدى. ال ازىرگە پاتەر يەلەرى وزدەرى جارعى ازىرلەپ، جينالىستا بەكىتىپ، حالىققا قىزمەت كورسەتۋ ورتالىقتارىنا تاپسىرسا دا بولادى. اتالعان ماسەلە قر ادىلەت مينيسترلىگىمەن كەلىسىلگەن. زاڭمەن كوندومينيۋم وبەكتىسىن تىركەۋ شاراسى جەڭىلدەتىلگەن. ءوتىنىش كەمىندە ەكى مەنشىك يەسىنىڭ اتىنان بەرىلۋى ءتيىس. وبەكتىلەردى تىركەۋ پروتسەسىن اۆتوماتتاندىرىپ، مەرزىمىن 1 جۇمىس كۇنىنە دەيىن قىسقارۋ كوزدەلگەن.

زاڭدا كوندومينيۋم وبەكتىسىنىڭ ورتاق مۇلكىنە كۇردەلى جوندەۋ جۇرگىزۋدىڭ جاڭا تەتىگى ايقىندالىپ، ول ءۇشىن جەڭىلدەتىلگەن قارىز الۋ مۇمكىندىگى قاراستىرىلعان.

ازاماتتاردىڭ قاۋىپسىز تۇرمىس-تىرشىلىگى ءۇشىن زاڭدا «حوستەل» ۇعىمى بەرىلدى. حوستەل - جەكە تۇلعالاردىڭ ۋاقىتشا تۇرۋىنا (بولۋىنا) ارنالعان جانە پايدالانىلاتىن، بەلگىلەنگەن قۇرىلىس، سانيتاريالىق، ەكولوگيالىق، ورتكە قارسى جانە باسقا دا مىندەتتى نورمالار مەن قاعيدالارعا ساي كەلەتىن، كوپپاتەرلى تۇرعىن ۇيدەگى جەكە كىرەر توبى بار تۇرعىن ەمەس ءۇي-جاي نە جەكە تۇرعان عيمارات (عيماراتتىڭ ءبىر بولىگى).

سونداي-اق، زاڭمەن جەرگىلىكتى اتقارۋشى ورگانداردىڭ تۇرعىن ءۇي ينسپەكتسيالارىنىڭ قۇزىرەتى كەڭەيتىلگەن. ەندى ولار الەۋمەتتىك ينفراقۇرىلىم وبەكتىلەرىندە قاۋىپتى تەحنيكالىق قۇرىلعىلاردى، گاز جانە گازبەن جابدىقتاۋ وبەكتىلەرىن قاۋىپسىز پايدالانۋدى باقىلاۋدى جانە قاداعالاۋدى جۇزەگە اسىرادى.

بۇگىنگى تاڭدا ليفت شارۋاشىلىعىنىڭ باسىم بولىگى ءوزىنىڭ نورماتيۆتىك پايدالانۋ مەرزىمىنەن اسىپ كەتكەن. بۇل ماسەلەنى شەشۋ ءۇشىن ليفتىلەردى جوندەۋ مەن اۋىستىرۋ جۇمىستارىن قارجىلاندىرۋ جەرگىلىكتى بيۋدجەت ەسەبىنەن قايتارىمدى نەگىزدە جۇزەگە اسىرىلادى.

جاڭا زاڭ نورمالارى تۇرعىن ءۇي-كوممۋنالدىق شارۋاشىلىق سۋبەكتىلەرى اراقاتىناسىن جاقسارتادى. سونداي-اق قاۋىپسىز ءارى ىڭعايلى تۇرمىستىق ورتا قالىپتاستىرۋ ارقىلى حالىقتىڭ ءومىر ساپاسىن ارتتىرادى.

اقپاراتتىق-ءتۇسىندىرۋ جۇمىستارى جالعاسىن تاۋىپ، وڭىرلەردە دە وتكىزىلەدى.

سوڭعى جاڭالىقتار

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار