پارلامەنت • 28 قاڭتار، 2020

سەناتورلار كوروناۆيرۋستىڭ تارالۋىنا جول بەرمەۋ ماسەلەسىن كوتەردى

22 رەتكورسەتىلدى

پارلامەنت سەناتى حالىقارالىق قاتىناستار، قورعانىس جانە قاۋىپسىزدىك كوميتەتىنىڭ كەڭەيتىلگەن وتىرىسىندا «شانحاي ىنتىماقتاستىق ۇيىمىنىڭ ەكسترەميزمگە قارسى ءىس-قيمىل جونىندەگى كونۆەنتسياسىن راتيفيكاتسيالاۋ تۋرالى» زاڭ جوباسى قارالدى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.

كونۆەنتسياعا شانحاي ىنتىماقتاستىق ۇيىمى مەملەكەتتەرى باسشىلارىنىڭ كەڭەسىندە 2017 جىلعى 9 ماۋسىمدا استانا قالاسىندا قول قويىلعان بولاتىن.

كونۆەنتسيانىڭ مىندەتى شىۇ-نا مۇشە مەملەكەتتەردىڭ الدىن الۋ قىزمەتى، ەكسترەميزمگە قارسى بىرلەسكەن ءىس-قيمىل، قۇقىقتىق كومەك كورسەتۋ، سونداي-اق تاراپتاردىڭ زاڭنامالارىن بىرىزدەندىرۋگە ىقپال ەتۋ سالاسىنداعى ءوزارا ءىس-قيمىل تەتىكتەرىن بەكىتۋ بولىپ تابىلادى.

سوتتالعانداردى ۇستاپ بەرۋ جانە قۇقىقتىق كومەك كورسەتۋ ماسەلەلەرى رەتتەلەدى، كونۆەنتسيادا قامتىلاتىن قىلمىستاردىڭ ەڭ بولماسا بىرەۋىن جاساۋ ناتيجەسىندە الىنعان جەكە نەمەسە زاڭدى تۇلعانىڭ مۇلكىن، سونداي-اق قىلمىس جاساۋ قارۋلارى نەمەسە قۇرالدارى رەتىندە نەمەسە وسى كونۆەنتسيادا قامتىلاتىن ءىس-ارەكەتتەردىڭ ءبىرىن قارجىلاندىرۋ ءۇشىن پايدالانۋعا ارنالعان م ۇلىكتى تۇتقىنداۋ جانە تاركىلەۋ كەزىندەگى مەملەكەتتەردىڭ ىنتىماقتاستىعى تۋرالى ەرەجە بەكىتىلەدى.

كونۆەنتسيادا جاردەم بەرۋ تۋرالى سۇراۋ سالۋلار جاساۋعا، ولاردىڭ نىساندارىنا، جىبەرۋ تارتىبىنە قويىلاتىن تالاپتار بەلگىلەنگەن. اقپاراتتىق ءوزارا ءىس-قيمىل ساپاسىن ارتتىرۋ ماقساتىندا كونۆەنتسيادا كىدىرتىلمەيتىن جاعدايلاردا سۇراۋ سالۋدى اۋىزشا بەرۋ مۇمكىندىگى، بىراق 72 ساعاتتان كەشىكتىرمەي سۇراۋ سالۋدى جازباشا راستاي وتىرىپ بەرۋ مۇمكىندىگى تۋرالى ەرەجە قامتىلعان.

سەناتور نۇرجان نۇرسيپاتوۆ قارالىپ وتىرعان كونۆەنتسيانىڭ نەگىزگى ماقساتى – قاتىسۋشى مەملەكەتتەردىڭ ەكسترەميزمگە قارسى ءىس-قيمىل ىنتىماقتاستىعىنىڭ تيىمدىلىگىن ارتتىرۋ ەكەنىن اتاپ ءوتتى. ەكسترەميزمنىڭ اۋماقتىق شەكاراسى جوق ەكەنى جانە حالىقارالىق قوعامداستىق ءوزارا ارىپتەستىك ءىس-قيمىل اياسىندا بىرلەسكەن كۇش-جىگەرمەن ەكسترەميزم مەن ونىڭ قاۋىپتى كورىنىستەرىنە ءتيىمدى قارسى تۇرا الاتىنى ايتىلدى.

ونىڭ ايتۋىنشا، كونۆەنتسيادا ىنتىماقتاستىقتىڭ قاعيدالارى مەن سيپاتتارى، سونداي-اق تاراپتاردىڭ وسى حالىقارالىق شارتتا قامتىلعان قىلمىستارعا قاتىستى يۋريسديكتسياسى ايقىندالادى.

سەناتورلار «تۇنشىقتىراتىن، ۋلى نەمەسە باسقا دا وسىلارعا ۇقساس گازدار مەن باكتەريولوگيالىق قۇرالداردى سوعىستا قولدانۋعا تىيىم سالۋ تۋرالى حاتتامانى راتيفيكاتسيالاۋ تۋرالى» زاڭ جوباسىن دا قارادى.

زاڭ جوباسى 1925 جىلعى 17 ماۋسىمدا جەنەۆادا قول قويىلعان تۇنشىقتىراتىن، ۋلى نەمەسە باسقا دا وسىلارعا ۇقساس گازدار مەن باكتەريولوگيالىق قۇرالداردى سوعىستا قولدانۋعا تىيىم سالۋ تۋرالى حاتتامانى راتيفيكاتسيالاۋدى كوزدەيدى.

حاتتامانىڭ ماقساتى تۇنشىقتىراتىن، ۋلى نەمەسە باسقا دا وسىلارعا ۇقساس گازداردى، سول سياقتى ءارتۇرلى وسىعان ۇقساس سۇيىقتىقتاردى، زاتتاردى جانە پروتسەستەردى، سونداي-اق باكتەريولوگيالىق سوعىستى جۇرگىزۋ قۇرالدارىن سوعىستا قولدانۋعا تىيىم سالۋدى بەلگىلەۋ بولىپ تابىلادى.

قازاقستاننىڭ باكتەريولوگيالىق جانە حيميالىق سوعىستى جۇرگىزۋ قۇرالدارىنا تىيىم سالۋدا جالپىعا بىردەي ساياساتتى قالىپتاستىرۋ جونىندەگى حاتتاماعا قاتىسۋشى مەملەكەتتەرمەن ىنتىماقتاستىقتا حاتتامانىڭ ماڭىزى زور.

حاتتامانىڭ مىندەتى حيميالىق قارۋدى قولدانۋعا تىيىم سالۋدى راستاۋ جانە باكتەريولوگيالىق قۇرالداردى سوعىستا قولدانۋعا تىيىم سالۋدى حالىقارالىق قۇقىقتاعى نەگىزگى ەرەجە رەتىندە بەلگىلەۋ بولىپ تابىلادى.

حالىقارالىق قاتىناستار، قورعانىس جانە قاۋىپسىزدىك كوميتەتىنىڭ مۇشەسى دانا نۇرجىگىتوۆا قازاقستاننىڭ حيميالىق جانە بيولوگيالىق قاۋىپسىزدىككە بايلانىستى حالىقارالىق قۇقىقتىق مىندەتتەمەلەردى تولىق تانۋى حاتتامانى راتيفيكاتسيالاۋ ەكەنىن اتاپ ءوتتى جانە ء«بىزدىڭ ەلىمىزدىڭ جاپپاي قىرىپ-جوياتىن قارۋدى تاراتپاۋ سالاسىنداعى سىندارلى ساياساتىن راستاۋعا قىزمەت ەتەدى»، - دەدى.

كوميتەت مۇشەلەرى حاتتامانى قاراۋ بارىسىندا كوروناۆيرۋستىڭ قازاقستان اۋماعىنا تارالۋىنا جول بەرمەۋ جانە قحر-داعى، ونىڭ ىشىندە ۋحان قالاسىنداعى قازاقستاندىق ستۋدەنتتەرگە كومەك كورسەتۋ جونىندەگى مەملەكەتتىك ورگاندار قابىلداعان شارالار تۋرالى ماسەلەلەردى كوتەردى.

زاڭ جوبالارى پالاتانىڭ قاراۋىنا بەرىلدى.

سوڭعى جاڭالىقتار

ەسىك نەگە «تەسىك»؟

قوعام • كەشە

ۇقساس جاڭالىقتار