قوعام • 28 قاڭتار، 2020

بەتپاقدالادا اداسىپ كەتكەن ءۇش جۇرگىزۋشى تابىلدى

1150 رەتكورسەتىلدى

اقتۇتەك بوراندا بەتپاقدالادا اداسىپ كەتكەن 3 جۇرگىزۋشى بىرنەشە تاۋلىكتەن سوڭ تابىلدى. بۇل تۋرالى تۇركىستان وبلىستىق پوليتسيا دەپارتامەنتىنىڭ ءباسپاسوز قىزمەتى حابارلادى.

دەپارتامەنتتىڭ مالىمەتىنشە، 26 قاڭتار كۇنى سوزاق اۋداندىق پوليتسيا بولىمىنە شىمكەنت قالاسىنىڭ تۇرعىنى حابارلاسىپ، قاراعاندىدان تۇركىستان وبلىسى ارقىلى اۋىر جۇك كولىگىمەن كەلە جاتقان اعاسىمەن حابارلاسا الماي قالعانىن ايتىپ، ارىزدانادى. بۇدان سوڭ سوزاق اپب پوليتسەيلەرى ارىزدى قابىلداپ، بىردەن ىزدەستىرۋ جۇمىسىنا كىرىسەدى. ارىزدانعان ازاماتتىڭ اعاسىنىڭ جانىندا اۋىر جۇك كولىگىمەن جولعا شىققان تاعى ەكى ەر ازاماتتىڭ بار ەكەنى بەلگىلى بولدى. سوزاق پوليتسەيلەرى اۋا رايىنىڭ كۇرت ناشارلاعانىن ەسكەرە وتىرىپ، قۇتقارۋشىلارمەن جانە ەرىكتى جەرگىلىكتى تۇرعىندارمەن جول تالعامايتىن كولىكتەرگە ءمىنىپ، بوراندى كۇنى اداسىپ قالعان جۇرگىزۋشىلەردى ىزدەۋگە اتتاندى.

«وسىلايشا، تياناقتى جۇرگىزىلگەن ىزدەستىرۋ جۇمىستارىنىڭ ناتيجەسىندە 3 اۋىر جۇك كولىگىنىڭ جۇرگىزۋشىلەرى بەتپاقدالادان تابىلدى. بەلگىلى بولعانداي، ولار قاراعاندىدان سوزاقتاعى توتە جول ارقىلى شىمكەنتتەگى ۇيلەرىنە ۋاقىت ۇنەمدەپ، تەزىرەك جەتپەك بولعان. الايدا اۋا رايى وزگەرىپ، قالىڭ جاۋعان قار مەن اقتۇتەك بوراننىڭ كەسىرىنەن اداسىپ، كولىكتەرىمەن ومبى قارعا باتىپ قالعان»، - دەلىنگەن حابارلامادا.

كومەككە كەلگەن پوليتسيا قىزمەتكەرلەرى جولعا شىقپاس بۇرىن كولىككە كەرەكتى 400 ليتردەي ديزەل جانارمايى جانە ازىق-ت ۇلىك الىپ شىققان بولاتىن. جۇرگىزۋشىلەر تابىلا سالىسىمەن ولارعا ازىق ۇلەستىرىلىپ، قاجەتتى كومەك كورسەتىلدى. ءۇش جۇك كولىگىنە دە قاجەتىنشە جانارماي قۇيىلىپ، جولعا شىعۋعا دايىن بولدى. ءوز كەزەگىندە بوراندا اداسىپ قالعان ءۇش ازامات العىس ءبىلدىردى.

 

سوڭعى جاڭالىقتار

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار