قازاقستان • 28 قاڭتار، 2020

«اۋشۆيتس – بيركەناۋ» كونتسلاگەرىنىڭ بوساتىلۋىنىڭ 75 جىلدىعىنا ارنالعان ەسكە الۋ شارالارى ءوتتى

67 رەتكورسەتىلدى

پولشانىڭ وسۆەنتسيم قالاسىندا ناتسيستىك ءولىم كونتسلاگەرىنىڭ «اۋشۆيتس – بيركەناۋ» ازات ەتىلۋىنىڭ 75 جىلدىعىنا ارنالعان ەسكە الۋ شارالارى ءوتتى. بۇل ءىس-شارالارعا ونىڭ بۇرىنعى تۇتقىندارى، 56 مەملەكەتتىڭ جانە 6 حالىقارالىق ۇيىمنىڭ دەلەگاتسيالارى، ديپلوماتتار، سۋرەتشىلەر، كوپتەگەن ەلدىڭ قوعامدىق ۇيىمدارىنىڭ وكىلدەرى قاتىستى. بۇل تۋرالى ءسىم ءباسپاسوز قىزمەتى حابارلادى.

ءىس-شاراعا قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى مارعۇلان بايمۇحان باستاعان قازاقستاندىق دەلەگاتسيا قاتىستى. 

وسۆەنتسيم سالتاناتى پولشا پرەزيدەنتى اندجەي دۋدانىڭ قامقورلىعىمەن ۇيىمداستىرىلدى. ءىس-شارانىڭ باستى قوناقتارى - كونتسلاگەردەگى ءتىرى قالعان تۇتقىندار الداعى ۋاقىتتا مۇنداي وقيعا قايتالانباس ءۇشىن وزدەرىنىڭ باسىنان كەشكەندەرى تۋرالى ايتۋدى وزدەرىنىڭ مىندەتى دەپ سانايدى. ەستەلىكتەردىڭ اۋىرلىعىنا قاراماستان، ولار جىل سايىن دەرلىك وسۆەنتسيمگە ناتسيستەردىڭ قورقىنىشتى قىلمىستارى تۋرالى كۋالىك ەتۋگە كەلەدى. كونتسەنتراتسيالىق لاگەردە قازا تاپقاندارعا ارنالعان ەسكەرتكىشتىڭ جانىندا جەرلەۋ ءراسىمى جانە ءتۇرلى كونفەسسيالار وكىلدەرىنىڭ دۇعالارى ءوتتى. 

«اۋشۆيتس – بيركەناۋ» (وسۆەنتسيم) - ەڭ ۇلكەن جانە ۇزاق جۇمىس ىستەگەن ناتسيستىك قۇرباندىقتاردىڭ لاگەرى، سوندىقتان ول حولوكوستتىڭ باستى بەلگىلەرىنىڭ بىرىنە اينالدى. 1941-1945 جىلدارى وسۆەنتسيمدە 1،4 ميلليونعا جۋىق ادام، ونىڭ ىشىندە 1،1 ميلليونعا جۋىق ەۆرەي قايتىس بولعان. لاگەر 1945 جىلى 27 قاڭتاردا مارشال كونەۆتىڭ باسقارۋىنداعى اسكەرلەرمەن بوساتىلدى. 1947 جىلى بۇرىنعى فاشيستىك كونتسەنتراتسيالىق لاگەر «وسۆەنتسيم - بيركەناۋ» ورنىندا مۋزەي قۇرىلدى. 1979 جىلى ول يۋنەسكو-نىڭ بۇكىلالەمدىك مۇرا تىزىمىنە ەنگىزىلدى. 

27 قاڭتار - لاگەردى بوساتۋ كۇنى - بۇۇ باس اسسامبلەياسىنىڭ شەشىمىمەن 2005 جىلى حالىقارالىق حولوكوستتى ەسكە الۋ كۇنى بولىپ جاريالاندى.

سوڭعى جاڭالىقتار

ەسىك نەگە «تەسىك»؟

قوعام • كەشە

ۇقساس جاڭالىقتار