ايماقتار • 28 قاڭتار، 2020

شىعىس قازاقستاندا جەدەل شتاب قۇرىلدى

44 رەتكورسەتىلدى

12 400 قورعانىش كوستيۋمدەرى، 670 000 رەسپيراتور جانە 7 ملن ءبىر رەتتىك ماسكالار بار.

قىتاي مەملەكەتىمەن شەكتەسەتىن شىعىس قازاقستاندا سول ەلدەن شىققان كوروناۆيرۋستىڭ تارالۋىنا جول بەرمەۋ ماقساتىندا جەدەل شتاب قۇرىلدى. ەكى اقپانعا دەيىن «باقتى» جانە «مايقاپشاعاي» كەدەن بەكەتتەرى ارقىلى شەكارادان ءوتۋ توقتاتىلدى. «ەكى باعىتتا دا ازاماتتار مەن تاۋارلاردىڭ قوزعالىسىن تولىق توقتاتۋ ماسەلەسى شەشىلۋدە. قازىرگى ۋاقىتتا شىعىس قازاقستان وبلىسىنىڭ اۋماعىندا كوروناۆيرۋسپەن اۋىرۋ فاكتىلەرى تىركەلگەن جوق. جاعداي مەنىڭ ءجىتى باقىلاۋىمدا» دەپ جازدى وبلىس اكىمى دانيال احمەتوۆ ءوزىنىڭ فەيسبۋكتەگى پاراقشاسىندا.

ايماق باسشىسىنىڭ سوزىنە سەنسەك، شەكارالىق بەكەتتەردەگى سانيتارلىق-باقىلاۋ پۋنكتتەرى تەپلوۆيزورلارمەن جابدىقتالعان. باقتى جانە مايقاپشاعايدا 6 تەپلوۆيزور بار. سەمەي جانە وسكەمەن اۋەجايلارىندا جولاۋشىلاردى مونيتورينگتەن وتكىزەتىن ءۇش تەپلوۆيزور جۇمىس ىستەيدى. الداعى كۇندەرى «اقتوعاي» تەمىرجول ستانتسياسىن تەپلوۆيزورلارمەن قامتاماسىز ەتۋ جوسپارلانىپ وتىر. ءوڭىردىڭ بارلىق مەديتسينالىق ۇيىمدارى جوعارى دايىندىق رەجيمىندە جۇمىس ىستەۋدە. ۆيرۋسقا قارسى پرەپاراتتاردىڭ قاجەتتى قورى، سونداي-اق، 12 400 قورعانىش كوستيۋمدەرى، 670 000 رەسپيراتور جانە 7 ملن ءبىر رەتتىك ماسكالار بار. «كۇدىككە ىلىنگەن، ۆيرۋس جۇقتىرعان ادامداردى تاسىمالدايتىن 2 جەكە كولىك كاپسۋلاسى دايىن. تاعى 4 كاپسۋلاعا جانە ل-1 ءتيپتى 18 قورعانىش كوستيۋمىنە ءوتىنىم بەرىلدى. قىتاي شەكاراسىنان ارى-بەرى وتكەن ازاماتتاردىڭ دەنساۋلىق جاعدايى مۇقيات باقىلاۋعا الىنعان» دەيدى د.احمەتوۆ.

شىعىس قازاقستان وبلىسى

سوڭعى جاڭالىقتار

ەسىك نەگە «تەسىك»؟

قوعام • كەشە

ۇقساس جاڭالىقتار