ايماقتار • 28 قاڭتار، 2020

الماتى وبلىسىنا كوروناۆيرۋستان قاۋىپ تونگەن جوق

148 رەتكورسەتىلدى

جەتىسۋ ولكەسى ىندەت تاراپ جاتقان قىتاي ەلىمەن ىرگەلەس جاتىر. وبلىس اۋماعىندا كورشى مەملەكەتپەن شەكارادا ورنالاسقان 6 كەدەن بەكەتى بار.

وبلىس اكىمىنىڭ ءباسپاسوز قىزمەتى تاراتقان دەرەككە سايكەس، قازىر اۋماقتاعى باقىلاۋ شارالارى كۇشەيتىلگەن. مەملەكەتتىك شەكارا جابىق. ال قىتايمەن ساۋدا-ساتتىق بايلانىس جاسايتىن «قورعاس» حالىقارالىق شەكارا ماڭى ىنتىماقتاستىعى ورتالىعىنىڭ جۇمىسى 15 اقپانعا دەيىن توقتاتىلعان. بۇل ورتالىققا قوس تاراپتان كۇن سايىن 3 مىڭنان 5 مىڭعا دەيىن ادام كىرىپ، شىعىپ، ساۋدا ءتۋريزمىنىڭ قىزمەتىن پايدالاناتىن ەدى. قاۋىپ سەيىلمەسە، شەكتەۋ مەرزىمى ۇزارتىلادى.

سونداي-اق كورشى ەل شەكاراسىنا جاقىن ماڭداعى وبلىس اۋماعى تۇرعىندارىن جۇقپالى ىندەتتىڭ بەلگىلەرى بويىنشا تەكسەرۋ جۇمىستارى نازاردا تۇر ەكەن. بۇگىنگە دەيىن دەنە قىزۋى كوتەرىلگەن ءبىر ازامات دارىگەردىڭ كومەگىنە جۇگىنگەن. ونىڭ شەكارا ماڭىندا بولعانى انىقتالعاننان كەيىن ماماندار جىگىت اعاسىن وقشاۋلاپ، تولىقتاي  تەكسەرۋدەن وتكىزگەن. قاجەتتى سىناما الىنىپ، زەرتحانالىق تەكسەرۋدەن كەيىن بۇرىن قانت ديابەتىمەن اۋىرعان ناۋقاستىڭ انگيناسى ءىسىپ، دەنە قىزۋىنىڭ جوعارىلاۋىنا سەبەپ بولعانى انىقتالىپتى.

- ءوڭىر تۇرعىندارىنا كوروناۆيرۋستان قاۋىپ تونگەن جوق. كۇدىك تۋعانى راس. ماماندار جەدەل تەكسەرىپ، ناۋقاستىڭ ەمىن انىقتادى. كۇدىك راستالمادى. ال شەكارا ماڭىنداعى ءار بەكەتتە وقشاۋلاۋ بولمەلەرى بار. ارنايى ورىن 2-3 توسەك ورىن جانە باسقا دا قاجەت زاتتارمەن جابدىقتالدى. اۋماقتاعى بارلىق مەديتسينالىق مەكەمەلەرى قالىپتى جۇمىس ىستەپ تۇر. ماماندار وباعا قارسى ارنايى كوستيۋم، كەرەك-جاراقپەن قامتاماسىز ەتىلگەن، - دەيدى الماتى وبلىسى اكىمىنىڭ ءباسپاسوز حاتشىسى عالىمۇرات جۇكەل.

سوڭعى جاڭالىقتار

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار