قازاقستان • 28 قاڭتار، 2020

الماتىدا «سەرگەك» كامەرالارى 4،5 مىڭ ەرەجە بۇزۋ فاكتىسىن انىقتادى

25 رەتكورسەتىلدى

الماتىدا بيىلعى جىلدىڭ العاشقى 20 كۇنىندە قىلمىس دەڭگەيى 38%-عا تومەندەگەن. قۇقىقبۇزۋشىلىقتاردى انىقتاۋدا بەينە باقىلاۋ قۇرىلعىلارىنىڭ  كومەگى زور.  بۇل تۋرالى الماتى قالاسىنىڭ اكىمى باقىتجان ساعىنتاەۆ ءوزىنىڭ «ينستاگرام»  پاراقشاسىندا جازدى.

قالادا جاڭا جىلدان باستاپ اپپاراتتى-باعدارلامالى «سەرگەك» كەشەنىنىڭ 400 بەكەتى جۇمىس جاساي باستادى. العاشقى 22 كۇن ىشىندە ولار 4،5 مىڭنان استام جول قوزعالىسى ەرەجەسىنىڭ بۇزىلعانىن تىركەدى. ناتيجەسىندە وسى كۇندەر ىشىندە جكو 11،6%-عا تومەندەگەن.

جالپى، وتكەن جىلدىڭ وسى كەزەڭىمەن سالىستىرعاندا قىلمىس 38%-عا قىسقارعان. قوعامدىق قاۋىپسىزدىكتى قامتاماسىز ەتۋ بويىنشا جۇمىستار ودان ءارى جالعاسادى، ونىڭ ىشىندە جولدار مەن قالالىقتار كوپ جينالاتىن جەرلەردە ۆيدەوباقىلاۋ مونيتورينگىنىڭ جۇيەسى كەڭىنەن قولدانىلاتىن بولادى.

«اعىمداعى جىلى «سەرگەكتىڭ» قوسىمشا 360-تان استام بەكەتىن ورناتۋدى جوسپارلاۋدامىز. ءار جىل سايىن قوعامدىق ءتارتىپتىڭ بۇزىلۋىن قاداعالايتىن اۆتوماتتى ۆيدەوباقىلاۋ جۇيەسىنىڭ ۇلەسى ارتاتىن بولادى»، - دەدى ب. ساعىنتاەۆ.

ەسكە سالساق 2019 جىلدىڭ 5 شىلدەسىندە شاھار باسشىسى قالانىڭ پوليتسيا دەپارتامەنتىنىڭ باسشىلىعىمەن جانە جۇرتشىلىقپەن كەڭەس وتكىزگەن ەدى. پوليتسياعا ۋچاسكەلىك ينسپەكتورلار مەن پاترۋلدەردىڭ جۇمىستارىن قايتا قاراۋ، پاترۋلدەۋ باعىتتارىن اۋلالاردان باستاۋ جونىندە تاپسىرمالالار بەرىلگەن ەدى. سونىمەن بىرگە، قىلمىستى الدىن الۋدىڭ پارمەندى تەتىگى رەتىندە بەينەباقىلاۋدىڭ اۆتوماتتى جۇيەلەرىن جەتىلدىرۋ ءىسى باسا نازارعا الىنعان بولاتىن.

وتكەن جىلدىڭ كۇزىندە بارلىق اۋدانداردا بارىنشا كريمينوگەندى ۋچاسكەلەر انىقتالىپ، پوليتسيانىڭ 23 ءموبيلدى بەكەتتەرى ورناتىلدى. ولارعا 2424 ادام جۇگىنىپ، ناتيجەسىندە 300 اكىمشىلىك ءىس قوزعالدى، 956 ءوتىنىش بويىنشا جەدەل شارالار قابىلداندى. ءوتىنىش جاساعان 1167 ادامعا زاڭنامالىق كومەك كورسەتىلگەن.

سوڭعى جاڭالىقتار

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار